समाचार

काठमाडौं - रसुवामा आएको विनाशकारी बाढीमा परी घाइते भएकाहरु बिहिबार बिहानसम्म २६ जनालाई उपचारका लागि टिचिङ ल्याइएको छ। उनीहरूमध्ये २५ वर्षीय एक पुरुषको उपचारका क्रममा मृत्यु भएको छ । त्रिवि शिक्षण अस्पतालका प्रवक्ता डा. गोपाल सेढाईंका अनुसार अस्पतालमा ल्याइएका घाइतेमध्ये ६ जनाको आईसीयूमा उपचार भइरहेको छ। बाढी प्रभावित क्षेत्रबाट थप ५० देखि ६० जना घाइते उपचारका लागि शिक्षण अस्पताल आउन सक्ने सूचना प्राप्त भएको उनले बताए ।सम्भावित बिरामीको चापलाई ध्यानमा राखेर अस्पतालले आवश्यक तयारी गरिसकेको पनि उनले जानकारी दिए । उनका अनुसार थप आउने घाइतेमध्ये अत्यन्त गम्भीर तथा आईसीयू आवश्यक पर्नेभन्दा चोटपटक लागेका बिरामीको संख्या बढी हुन सक्ने अनुमान गरिएको…

काठमाण्डौं- रसुवागढी र आसपासको क्षेत्रमा भोटेकोशी नदीमा आएको भीषण बाढीमा परी रामेछाप जिल्लाका २६ जना नागरिक बेपत्ता भएको विवरण सार्वजनिक भएको छ।प्राप्त विवरणअनुसार उनीहरू बाढीपछि सम्पर्कविहीन भएका रामेछापबाट निर्वाचित वाग्मती प्रदेश सभा सदस्य आनन्द श्रेष्ठले जानकारी दिए । बेपत्ता भएकाहरूको खोजी तथा उद्धारका लागि सम्बन्धित निकाय, सुरक्षाकर्मी तथा स्थानीयवासीलाई आवश्यक पहल गरिदिन परिवारले आग्रह गरेका छन्। बेपत्ता व्यक्तिका परिवारजनलाई भरपर्दो सूचना नआएसम्म नआत्तिई धैर्य गर्न अनुरोध गरिएको छ। प्राप्त विवरणअनुसार बेपत्ता हुनेहरूमा रामेछाप नगरपालिका, मन्थली नगरपालिका, खाँडादेवी, दोरम्बा शैलुङ, गोकुलगंगा, उमाकुण्ड र लिखु तामाकोशी गाउँपालिकाका नागरिक रहेका छन्। उनिहरुलाई खोजी तथा उद्धारको क्रममा बेपत्ता व्यक्तिको संख्या वा विवरणमा थपघट हुन…

काठमाडौं- रसुवाको भोटेकोशी नदीमा आएको बाढीका कारण हालसम्म १५७ जनाको सव फेला परेको छ। नेपाल प्रहरीका अनुसार हालसम्म ३४ महिला, ६३ पुरुष, छ जना बालिका, सात जना बालक र ४७ जनाको पहिचान खुल्न सकेको छैन। प्रहरीका अनुसार चितवनमा १३ महिला, १८ पुरुष, एक बालिका, चार बालक र पहिचान नखुलेका २८ जनाको शव भेटिएको छ। त्यसैगरी, तनहुँमा एक महिला, पाँच पुरुष, एक बालिका, एक बालक र पहिचान नखुलेका एक जनाको शव भेटिएको छ। रसुवामा तीन पुरुषको शव भेटिएको छ। साथै नुवाकोटमा छ महिला र सात पुरुष, धादिङमा १० महिला, १० पुरुष, एक बालिका तथा छ जना ९पहिचान नखुलेको०को शव भेटिएको छ।…

रवि रोषी चितवन - क्षत्री समाज नेपाल, चितवनको आयोजनामा हरितालिका तीजको अवसर पारेर तीज विशेष ‘दर खाने तथा सांस्कृतिक कार्यक्रम’ आयोजना हुने भएको छ। कार्यक्रम भदौ १३ गते भरतपुर  वडा नं ४ स्थित चितवन फुटमार्टमा हुने आयोजकले जनाएकाे छ । समाजका अध्यक्ष टिकाराम कुँवरका अनुसार कार्यक्रममा छोटो शुभकामना आदान–प्रदानसँगै विभिन्न प्रतियोगितात्मक, सांस्कृतिक तथा मनोरञ्जनात्मक कार्यक्रम सञ्चालन गरिनेछ। कार्यक्रमअन्तर्गत विभिन्न विधामा प्रतियोगिता आयोजना गरी उत्कृष्ट सहभागीलाई पुरस्कार प्रदान गरिने आयोजकले जनाएको छ।प्रतियोगिता तथा पुरस्कारका विधा एकल नृत्य (रेकर्डेड गीत), एकल नृत्य (लाइभ गीत), सामूहिक प्रस्तुति (रेकर्डेड गीत), सामूहिक प्रस्तुति (लाइभ गीत), ४० वर्षमाथिका लागि लाइभ प्रस्तुति, ४० वर्षमुनिका लागि प्रस्तुति रहने समाजका…

काठमाण्डौं - अमेरिकाकी प्रसिद्ध गायिका तथा गीतकार डली पार्टनको ८० वर्षको उमेरमा निधन भएको छ । सामाजिक सञ्जालमार्फत उहाँको परिवारले निधनको जानकारी दिएको बीबीसीले जनाएको छ । सात दशक लामो संगीत यात्रामा पार्टनले १० ग्रामी अवार्ड जितेकी थिईन्। पार्टनको झण्डै सात दशक लामो सांगीतिक यात्रामा १० करोडभन्दा बढी रेकर्ड बिक्री भएका थिए । पार्टनले आफूलाई गायिकाभन्दा बढी गीतकारका रूपमा चिनाउँदै आएकी थिईन्। उनका गीतले देश संगीतसँगै ¥याप, रक, मेटल र आर एन्ड बी लगायतका विभिन्न विधामा प्रभाव पारेका थिए । अमेरिकी राष्ट्रपति डोनाल्ड ट्रम्पले डली पार्टनको निधनप्रति दुःख व्यक्त गरेका छन् ।

काठमाण्डौं- प्रधानमन्त्री वालेन्द्र शाहले आज बुधबार प्रतिनिधिसभाको बैठकमा सांसदका प्रश्नको जवाफ दिने भएका छन् । आज दिउँसो १ बजे बस्ने बैठकमा प्रतिनिधिसभा नियमावली, २०८३ को परिच्छेद–९ अनुसार सांसदहरूले सोधेका प्रश्नको प्रधानमन्त्री शाहले जवाफ दिने कार्यसूची रहेको छ । बैठकमा प्रधानमन्त्री शाहले मुस्लिम आयोगको सातौँ वार्षिक प्रतिवेदन, आव २०८१र८२ प्रस्तुत गर्नेछन्। त्यस्तै, ऊर्जा, जलस्रोत तथा सिँचाइमन्त्री विराजभक्त श्रेष्ठले नेपाल र भारतबीच दीर्घकालीन विद्युत् व्यापारसम्बन्धी सम्झौता प्रस्तुत गर्नेछन् । त्यस्तै, आज विधायन व्यवस्थापन समिति तथा सार्वजनिक नीति तथा प्रत्यायोजित विधायन समितिको बैठक पनि बस्दैछ ।

एएफपी- फ्रान्सले अबदेखि माध्यमिक विद्यालयमा मोबाइल फोन प्रतिबन्ध लागू गर्ने तयारी गरेको छ । फ्रान्सले १५ वर्षमुनिका बालबालिकालाई सामाजिक सञ्जालमा पहुँच र माध्यमिक विद्यालयमा मोबाइल फोन प्रयोग दुवै प्रतिबन्ध लगाउने विधेयक पारित गरेपछि आउँदो महिनादेखि प्रतिबन्ध लागू गर्न लागेको हो । राष्ट्रपति इमानुएल म्याक्रोँकोले मोबाइल फोन प्रतिबन्ध गर्ने तयारी बालबालिकालाई स्क्रिन अगाडि कम समय बिताउने वातावरण दिन ल्याइएको दबाबको एक हिस्सा रहेको अन्तर्राष्ट्रिय समाचार संस्था एएफपीले जनाएको छ । फ्रान्सको शैक्षिक सत्र आउँदो महिना सेप्टेम्बरमा सुरु हुने गर्दछ ।

काठमाण्डौं- मलेसिया श्रमिक पठाउने विषयमा भएको सिन्डिकेटविरुद्ध नेपाल वैदेशिक रोजगार व्यवसायी सङ्घ कठोर भएर प्रस्तुत भएको छ । सङ्घले मलेसियामा श्रमिक पठाउनका लागि पछिल्लो पटक छनोट भएका २५ वटा वैदेशिक रोजगार कम्पनीविरुद्ध कठोर नीति लिएर छ वटामा तालाबन्दी गरेको हो । सङ्घले पत्रकार सम्मेलनमार्फत ‘रिक्रुटमेन्ट एजेन्सी’ मार्फत मलेसिया जाने नेपाली श्रमिकका लागि केही सीमित कम्पनी मात्रै सूचीकृत गरेर सिन्डिकेट गर्न खोजेको भन्दै यसको विरुद्धमा कठोर हुन बाध्य बनाएको जनाएको छ । सङ्घका अध्यक्ष डिकबहादुर खत्रीले सिन्डिकेटमा नाम जोडिएका भनिएका २५ वटा कम्पनीसँग स्पष्टीकरण सोध्ने र आइतबार छ वटालाई कारबाही गरेर सुरुवात गरेको जानकारी दिए । सीमित कम्पनीलाई मात्रै रोजगारीको पहुँच…