ब्रेकिङ न्यूज

काठमाडौं- नागरिक उन्मुक्ति पार्टी ९नाउपा० ले सरकारबाट बाहिरिने निर्णय गरेको छ। शनिबार बसेको पार्टीको संसदीय दलको बैठकले सरकारबाट बाहिरिने निर्णय गरेको हो। नाउपाबाट अहिले सङ्घीय सरकारमा सांसद अरुण चौधरी संस्कृति, पर्यटन एवं राज्यमन्त्री छन्। पार्टीकी अध्यक्ष रञ्जिता श्रेष्ठले शुक्रबार सामाजिक सञ्जालमार्फत आफ्ना सांसदहरूको बेइज्जती भएको र सांसदको बेइज्जती पार्टीको हुने भन्दै पार्टीप्रति जनताको विश्वासको अवमूल्यन भएको आरोप लगाएकी थिइन्। उनले अब आफूहरू सदनमा दृढताका साथ प्रतिपक्षको भूमिकामा उभिने समेत बताएकी थिइन्।

सुर्खेत- जाजरकोटको कुशे गाउँपालिका–३ तर्पेनामा एकै घरका दिदी र बहिनीको ढुङ्गा लागेर मृत्यु भएको छ। बिहीबार बेलुकी ९स्०० बजे टहरामा सुतिरहेकी १८ वर्षीया शर्मिला बुढा र १४ वर्षीया चमेली बुढाको मृत्यु भएको वडाध्यक्ष वीरबहादुर बुढाले जानकारी दिए। नियमित पानी परिरहेकाले समस्या भइरहेको उनले जानकारी दिए। नरबहादुर बुढाकी दुई छोरी बाख्रा हेरचाहका लागि भूकम्पपीडितका लागि निर्माण भएको अस्थायी टहरामा सुतिरहेको समयमा माथिबाट ढुङ्गा खसेर लाग्दा दुवै जनाको घटनास्थलमै मृत्यु भएको वडाध्यक्ष बुढाले जानकारी दिए। प्रहरीसमेत घटनास्थलमा पुगेर जानकारी लिएको प्रहरी जवान महेश सिंहले बताए।

कास्कि- पोखराको मुख्य पर्यटकीय क्षेत्र लेकसाइड क्षेत्रमा सञ्चालनमा रहेका स्पा वा मसाज सेन्टरहरूबाट आठ बालिकाको उद्धार गरिएको छ । मसाज सेन्टरहरूमा १८ वर्षमुनिका बालबालिकाहरूलाई काममा लगाउन नपाइने भए पनि सञ्चालकले त्यसको अटेर गर्दै उनीहरूलाई काममा लगाउने गरेका थिए। लेकसाइडस्थित स्पा सेन्टरहरूमा बालिकाहरूलाई काममा लगाइएको भन्ने गोप्य सूचनापछि जिल्ला प्रहरी कार्यालय कास्की र पोखरा महानगरपालिका सामाजिक विकास महाशाखाबाट अनुगमनका लागि खटिएको संयुक्त टोलीले १८ वर्षमुनिका आठ बालिकाहरूको उद्धार गरेको छ। जिल्ला प्रहरी कार्यालय कास्कीका सूचना अधिकारी हरिबहादुर बस्नेतका अनुसार संयुक्त टोलीले पर्सल्यान स्पाबाट दुई, ताराहिल लज स्पा एन्ड ब्युटी केयरबाट दुई र इभेन्डर ब्युटी एन्ड स्पाबाट चार गरी आठजना बालिकाहरूको उद्धार…