काठमाण्डौ –
बाजुराको बडीमालिकामा हिमपातपछि फसेका दुईमध्ये एक जना पर्यटकको नेपाली सेनाको हेलिकप्टरमार्फत उद्धार गरिएको छ ।
अत्यधिक हिमपातपछि बडीमालिकामा रहेको त्रिवेणी पाटनमा फसेका कञ्चनपुरको कृष्णपुर नगरपालिका–२ बस्ने २१ वर्षीय सागर कार्कीको उद्धार गरेको प्रमुख जिल्ला अधिकारी मुक्तिराम रिजालले जानकारी दिए ।
चार हजार दुई मिटर उचाइमा रहेको बडीमालिकाको दर्शन गरेर फर्कने क्रममा हिमपात भएपछि कार्की शुक्रबारदेखि त्रिवेणी पाटनस्थित धर्मशालामा बस्नुभएको थिए भने कञ्चनपुरको बेदकोट नगरपालिकाका २० वर्षीय मनिष बोहरा सम्पर्कविहीन छन् ।
