Uncategorized

यूएई- चितवन समाज यूएईको वार्षिक साधारण सभा तथा आठौं अधिवेशन सफलतापूर्वक सम्पन्न भएको छ। कार्यक्रममा प्रमुख अतिथि, विशिष्ट अतिथि, विभिन्न संघ–संस्थाका प्रतिनिधि, चितवन समाज यूएईका आजीवन सदस्य लगायतको उपस्थिती रहेको थियो। अधिवेशनले बिन्दु गिरीको अध्यक्षतामा निम्न पदाधिकारीहरु चयन गरेको छ। प्रथम उपाध्यक्षमा शंकर पाठक , बरिस्ठ उपाध्यक्ष कल्पना श्रेष्ठ , उपाध्यक्ष: गोमा कँडेल,उपाध्यक्ष भेषराज ढकाल,महासचिव ज्ञान ब. केसी, सचिव दिपा सापकोटा सुबेदी, सह–सचिव विष्णु सुबेदी, कोषाध्यक्ष कृष्ण खतिवडा, सह–कोषाध्यक्ष लक्ष्मी खड्का, र सदस्यहरूमा दया सापकोटा, अम्बिका पाण्डे, अर्जुन कँडेल, सुरेश तामाङ, अर्पण धरेल, बाबुराम छेत्री, नारायण पुरी, प्रकाश भण्डारी, पवित्रा गैरे चयन भएका छन ।

काठमाडौँ- बाढी, पहिरो र सडक मर्मतका कारण देशका विभिन्न मुख्य राजमार्गहरू पूर्ण तथा एकतर्फी रूपमा अवरुद्ध भएका छन्। नेपाल प्रहरीका अनुसार आज बिहान ६:०० बजेसम्मको विवरणअनुसार बागमती र कर्णाली प्रदेशका विभिन्न सडक खण्डहरू प्रभावित भएका छन्। काभ्रेको बीपी राजमार्गमा खुर्कोट(नेपालथोक(कटुञ्जेबेँसी चल्ने सम्पूर्ण सवारी साधनहरूका लागि भदौ १६ गतेदेखि लागू हुने गरी विशेष नियम बनाइएको छ। अर्को सूचना नभएसम्म साँझ १९:०० बजेदेखि बिहान ०५:०० बजेसम्म १० टनसम्मका मालवाहक सवारी साधनहरू सञ्चालन हुनेछन्। बिहान ०४:०० बजेदेखि साँझ १८:०० बजेसम्म भने परिस्थितिको विचार गरी सवारी साधनहरू सुचारु गरिने जनाइएको छ।रसुवाका मुख्य सबै राजमार्गहरू भदौ १० गते बिहान १०:३० बजेदेखि बाढीका कारण पूर्ण रूपमा…

काठमाडौं- नेपाल वैदेशिक रोजगार व्यवसायी संघले मलेसियामा नेपाली श्रमिकको भर्नाका लागि त्यहाँको फरेन वर्कर सेन्ट्रल म्यानेजमेन्ट सिस्टम (एफडब्लुसिएमएस)मा नेपाली म्यानपावर कम्पनी छनोट प्रक्रियाबारे अन्तर्राष्ट्रिय श्रम संगठन (आइएलओ)ले ध्यानाकर्षण गराएको छ । संघले सोमबार नेपालका लागि आइएलओका कन्ट्री डाइरेक्टर नुमान ओज्कानसँगको छलफल फलदायी रहेको बताएको हो। संघले मलेसियाको एफडब्लुसिएमएसद्वारा प्रस्तावित प्रणाली, विशेषगरी इजाजतपत्र प्राप्त एजेन्सीहरूका लागि सीमित पहुँच, भेदभाव र असमान व्यवस्थाको प्रावधानबारे आफ्नो गम्भीर चिन्ता राखेको अध्यक्ष डिकबहादुर खत्री ‘कुमार’ले बताए । संघले नेपालबाट जाने आप्रवासी कामदारहरूको अधिकार र हितको संरक्षण गर्दै नेपाल र मलेसियाबीचको बलियो श्रम सम्बन्ध कायम गरी भर्ना तथा छनोटमा निष्पक्षता, पारदर्शिता, समान अवसर र नैतिक अभ्यासहरू…

काठमाण्डौ - सरकारले भोटेकोशी नदीमा आएको बाढीबाट प्रभावित भई विभिन्न जिल्लाका होल्डिङ सेन्टरमा बसिरहेका परिवारका लागि अस्थायी बसोबासको व्यवस्था गर्न सर्वेक्षण सुरु गरेको छ। आपत्कालीन अवस्थामा सञ्चालन गरिएका होल्डिङ सेन्टरमा रहेका परिवारलाई अब केही हप्ताभित्रै उनीहरूको इच्छाअनुसार छुट्टाछुट्टै अस्थायी बसोबासको व्यवस्था गर्ने उद्देश्यले सर्वेक्षण थालिएको प्रधानमन्त्रीको सचिवालयले जनाएको छ। सर्वेक्षणमा घरको क्षतिको अवस्था, दिवंगत वा बेपत्ता सदस्यको संख्या, अस्थायी आश्रय वा भाडामा बस्ने रुचि, जग्गाको उपलब्धता र स्थानान्तरणको विकल्पबारे विवरण संकलन गरिने बताइएको छ।त्यसैगरी खानेपानी, सरसफाइ तथा अन्य आवश्यकताबारे पनि जानकारी लिइनेछ। यसबाट प्रत्येक परिवारको वास्तविक आवश्यकता पहिचान गरी सरकारले अस्थायी बसोबाससम्बन्धी योजना कार्यान्वयन गर्न सहज हुने अपेक्षा गरिएको छ।होल्डिङ…

काठमाण्डौं- रसुवाको भोटेकोशी बाढीपछि बेपत्ता ६० वर्षीया चण्डिका श्रेष्ठको ११ दिनपछि उद्धार गरिएको छ । सशस्त्र प्रहरी बलका प्रवक्ता सशस्त्र प्रहरी नायव महानिरीक्षक नेत्र बहादुर कार्कीले श्रेष्ठलाई नुवाकोट बिदुर नगरपालिका –१० बेत्रावतीस्थित चार तले घरबाट शनिबार उद्धार गरिएको जानकारी दिनुभयो । उहाँका अनुसार हिलोमा थुनिएको अवस्थामा उहाँको उद्धार गरिएको छ । श्रेष्ठलाई उद्धार गरी उपचारका लागि हेलिकप्टरमार्फत त्रिशुली लगिएको छ ।

काठमाण्डौं- आज माथिल्लो त्रिशूली–१ जलविद्युत् आयोजना २१६ मेगावाटको अडिट–४ टनेलबाट एक जना चिनियाँ नागरिकको उद्धार भएको छ । नेपाली सेना र दक्षिण कोरियाको डिजास्टर विज्ञ टोलीले संयुक्त रूपमा टनेलभित्र फसेका चिनियाँ नागरिकलाई सकुशल उद्धार गरेको हो ।उनलाई नुवाकोटको त्रिशूलीस्थित मैथिली ब्यारेकतर्फ ल्याईएको छ । लामो समयसम्म टनेलभित्र फसेका व्यक्तिको उद्धार सफल भएपछि उद्धार टोलीले महत्वपूर्ण तरिकाले उद्धार गर्दैछ।