रवि भट्ट

काठमाडौं- जल तथा मौसम विज्ञान विभाग पूर्वानुमान महाशाखाले हाल मनसुनको न्यून चापीय रेखा सरदर स्थानको आसपास रहेको र देशभर मनसुनी वायु र पश्चिमी वायुको आंशिक प्रभाव रहेको जानकारी दिएको छ। विभागका अनुसार आज दिउँसो देशभर आंशिक बादल लाग्नेछ। देशका हिमाली र पहाडी भू-भागका एक/दुई स्थानमा हल्का वर्षारहिमपातको सम्भावना छ। त्यसैगरि आज राति, देशका हिमाली र पहाडी भू-भागमा आंशिक बादल लाग्ने तथा तराई भू-भागमा मौसम मुख्यतया सफा रहने छ।

काठमाडौं- नारायणी नदीको किनारबाट बगेर पुलको पिलरमा अड्किएको नेपालकै पहिलो ठुलो ‘राइनो क्रुज’ निकाल्ने काम सुरु भएको छ। नदीको बहाव केही घटेपछि अड्किएको क्रुजलाई सुरक्षित रूपमा पन्छाउन वा हटाउन प्रयास थालिएको हो। अविरल वर्षाका कारण नारायणी नदीमा आएको भीषण बाढीले किनारमा बाँधेर राखिएको साढे दुई तले क्रुजलाई बगाएर पुलको पिलरसम्म पुर्‍याएको थियो। क्रुज बगेर नारायणीको पुलमा अड्किएपछि पुलको सुरक्षामा गम्भीर चुनौती थपिएको नवलपुरका सहायक प्रमुख जिल्ला अधिकारी चिरञ्जीवी रानाले बताएका छन्। इलाका प्रहरी कार्यालय गैँडाकोटका इन्चार्ज, प्रहरी निरीक्षक लक्ष्मण गिरीका अनुसार गत भदौ १० गतेको विनाशकारी भोटेकोशी बाढीमा समेत जोगिएको क्रुज यसपालि नारायणीको बाढीले बगाएर ल्याई पिलरमा ठोकिएकाले पुल नै…

चितवन- नेपाली काँग्रेसको १५औँ महाधिवेशन नजिकिँदै गर्दा पार्टीभित्र सांगठनिक सरगर्मी ह्वात्तै बढेको छ। यसै क्रममा वडाबाट निर्वाचित कार्यसमितिका सदस्यहरू तथा क्षेत्रीय अधिवेशनका प्रतिनिधिहरूलाई हार्दिक बधाई तथा सफल कार्यकालको शुभकामना व्यक्त गर्दै चितवन क्षेत्र नम्बर १ बाट राष्ट्रिय सभा सदस्य तथा नेतृ माननीय गीता देवकोटाले महाधिवेशन प्रतिनिधि (महिला खुला) पदमा आफ्नो उम्मेदवारी घोषणा गर्नुभएको छ।विगत लामो समयदेखि नेपाली काँग्रेसको वैचारिक धरातल र संगठन निर्माणमा निरन्तर समर्पित रहँदै आउनुभएकी देवकोटा हाल चितवनबाट नेपाली काँग्रेसको एकमात्र संघीय सांसद (राष्ट्रिय सभा सदस्य) हुनुहुन्छ। सदनमा जिल्लावासी र समस्त काँग्रेसजनको शीर उच्च राख्न निरन्तर प्रयासरत रहेको उल्लेख गर्दै उहाँले सोही जिम्मेवारीबोधका साथ १५औँ महाधिवेशनमा महिला खुला…

काठमाडौँ- नदी तथा खोलामा पानीको बहाब बढ्दा तटीय बस्ती डुबानको जोखिममा परेका छन् भने पहाडी क्षेत्रमा बाढीपहिरो र लेदोले सडक तथा यातायात अवरुद्ध बनाएको छ । पश्चिम नेपालका २५ जिल्लामा शुक्रबार र शनिबार सवारीसाधन सञ्चालनमा रोक लगाइएको छ । राष्ट्रिय विपत् जोखिम न्यूनीकरण तथा व्यवस्थापन प्राधिकरणले जोखिमको स्तर अनुसार यातायात व्यवस्थापन गर्न सम्बन्धित निकायलाई निर्देशन दिएको हो । यातायात पूर्ण बन्द भएका जिल्लामा सुदूरपश्चिमका दार्चुला, बझाङ, बाजुरा, कैलाली र कञ्चनपुर तथा कर्णालीका डोल्पा, जुम्ला, कालीकोट, मुगु, हुम्ला र सुर्खेत छन् । त्यस्तै लुम्बिनीका प्युठान, दाङ, रुपन्देही, पाल्पा, अर्घाखाँची, गुल्मी, कपिलवस्तु, बाँके र बर्दिया तथा गण्डकीका मनाङ, मुस्ताङ, गोरखा, लमजुङ र स्याङ्जामा पनि दुई दिन…

काठमाडौं- वर्षा र सहकालका देवता देवराज इन्द्रको पूजा आराधना गरी आज परम्परागत रुपमा इन्द्रजात्रा पर्व मनाइँदैछ। प्रत्येक वर्ष भाद्र शुक्ल चतुर्दशीका दिन पर्ने यो पर्व काठमाडौँ, ललितपुर, भक्तपुर, धुलिखेल, दोलखालगायत स्थानमा मनाइन्छ। भाद्र शुक्ल द्वादशीका दिन हनुमानढोका अगाडि धार्मिक विधिपूर्वक इन्द्रध्वजासहितको लिङ्गो ठड्याइएपछि प्रारम्भ हुने यो जात्रा विभिन्न प्रकारका नाचगान, रथयात्रा र देवीदेवताको पूजाआजा गरी आठ दिनसम्म मनाउने प्रचलन छ। भाद्र शुक्ल द्वादशीका दिन ठड्याइएको लिङ्गोलाई ‘इन्द्रध्वजोत्थान’ पनि भनिन्छ। लिङ्गोको फेदमा भैरवको पूजा गरिन्छ। सत्रु पराजय भएपछि विजय मनाउने पर्वका रुपमा इन्द्रजात्रा मनाउने गरिएको हो। इन्द्रध्वजको पूजागरी शक्ति प्राप्त गरेर प्रदर्शन गर्ने पर्वका रुपमा पनि इन्द्रजात्रालाई लिइन्छ। यसअघि तान्त्रिक विधिद्वारा…

चितवन- नेपाली कांग्रेसको १५ओै महाधिवेशन अन्तर्गत चितवन जिल्लाको पालिका अधिवेशन सम्पन्न भएको छ । निर्वाचित पालिका सभापतिहरुमा भरतपुर महानगरसमिती बुद्धिकान्त न्यौपाने, रत्ननगर नगरसमितीको सभापतिमा उमेश गीरी, खैरहनी नगरसमितीको सभापतिमा शंकर प्रसाद कंडेल, राप्ती नगरसमितीको सभापतिमा भिमसेन सिलवाल, कालिका नगरसमितीको सभापतिमा रमेश जंङ थापा, नेपाली कांग्रेस माडी नगरसमितीको सभापतिमा खेम प्रसाद महतो निर्वाचित भएका छन् । सबै पालिकामा निर्वाचन शान्ति रुपमा सम्पन्न भएको निर्वाचन समितिले जनाएको छ ।

चितवन- चितवनको रत्ननगर नगरपालिकाको नगर कमिटीमा उमेश गिरी नेतृत्वको टिमको उम्मेदवारी घोषणा भएको छ । नेपाली काँग्रेस १५ औ महाधिवेशन अन्तर्गत रत्ननगर नगर समितिको सभापति पदका उमेदवार उमेश गिरीको टिमले उम्मेदवारी घोषणा गरेको हो । आज मंगलबार पत्रकार सम्मेलनको आयोजना गरि गिरी नेतृत्वको टिमले उम्मेदवारी घोषणागर्दै उमेदवारहरुको नामावली यस्तो छ ।सभापतिमा उमेश गिरी, उपसभापति खुल्लातर्फ हरि लामिछानेउपसभापति महिलामा शरला रेग्मी, सचिव शुरेशजंग पाण्डे,सह सचिव, शुशिला चौधरी रहनु भएको छ। संविधान सभा सदस्य सावित्रीदेवी चौधरी प्रमुख अतिथि रहेको पत्रकार सम्मेलनमा रत्ननगरका मेयर तथा नगर सभापति प्रलाद सापकोटा, नेताहरु किरण भूषण ओली, राजु प्रसाद सिलवाल, वडा सभापति इश्वर प्रसाद खनालले मन्तब्य राख्नु…

चितवन - नेपाली काँग्रेस १५ औ महाधिवेशन अन्तर्गत रत्ननगर नगर समितिको सभापति पदका लागि रामहरि न्यौपानेले उम्मेदवारी घोषणा गरेका छन् । आज मंगलबार पत्रकार सम्मेलनको आयोजना गरि न्यौपाने नेतृत्वको टिमले उम्मेदवारी घोषणा गरेको हो । नगर पदाधिकारी उमेदवारहरुमा सभापति रामहरि न्यौपाने, उपसभापति खुल्ला नारायण महतो उपसभापति महिला तर्फ रिता काप्री, सचिव इ.सुवर्ण प्रसाद घिमिरे, सह सचिवमा पुरषोतम लामिछाने प्रस्तुत भएका छन् । राष्ट्रिय सभा सदस्य गीता देवकोटाको प्रमुख अतिथि रहेको पत्रकार सम्मेलनमा माधव अर्याल, बासु ढुंगाना लगायतले मन्तब्य राख्नु भएको थियो । कार्यक्रममा उम्मेदवारहरुको बारेमा विस्तृत जानकारी सहित पूर्व नगर सभातिमा रुपन राज घिमिरेले सहजीकरण गर्नु भएको थियो।