समाचार

काठमाण्डौ - वैदेशिक रोजगारीमा आकर्षक तलबको प्रलोभनमा पारी कतार पठाइदिन्छु भन्दै १० लाख रकम ठगी गर्ने एक जना पक्राऊ परेका छन् । ठगी अभियोगमा काठमाडौं महानगरपालिका-३ बस्ने महोत्तरी सम्सी गाउँपालिका-५ घर भएका ४४ वर्षीय आनन्दकुमार साहलाई शनिबार प्रहरीले पक्राउ गरेको हो ।   आनन्दकुमारले कतार पठाइदिन्छु भन्दै एकजना पीडितबाट १० लाख रुपैयाँ लिई सम्पर्कविहीन भएको भन्ने पीडितको उजुरीको आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले उनलाई काठमाडौं महानगरपालिका- ७ बाट पक्राउ गरेको हो ।   उनलाई आवश्यक अनुसन्धान तथा कारबाहीका लागि वैदेशिक रोजगार विभाग ताहाचल काठमाडौं पठाइएको प्रहरीले जनाएको छ ।

काठमाडौं - नेपाली सेनाले पाँच जना नेपाल प्रहरीका सकल दर्जालाइ उद्धार गरी थप उपचारका लागि सुर्खेतस्थित कर्णाली प्रदेश अस्पतालमा पुर्‍याएको छ।     इलाका प्रहरी कार्यालय नाम्दोबाट जिल्ला प्रहरी कार्यालय डोल्पा स्थानान्तरण भएर आउने क्रममा बाटोमा हिमपातका कारण अत्यधिक चिसो भई स्वास्थ्यमा समस्या आई प्रहरी चौकी धोमा बिरामी रहेका ती प्रहरीलाई हेलिकप्टरद्वारा दुई चरणमा अस्पताल पुर्‍याइएको सैनिक जनसम्पर्क तथा सूचना निर्देशनालयले जनाएको छ।   यसैबीच रसुवा जिल्लाको गोसाइँकुण्ड गाउँपालिका–५ स्थित धार्मिक तीर्थस्थल गोसाइँकुण्डमा डुबेर हुनसक्ने दुर्घटनालाई न्यूनीकरण गर्न नेपाली सेनाको श्रीनाथ गणले कुण्डको किनारामा आपतकालीन अवस्थामा प्रयोग गर्न तीन स्थानमा डोरीसहित लाइफबाइ ट्युब राखेको छ।   निकुञ्ज कार्यालयका पदाधिकारी, स्थानीय…

काठमाडौं - प्रधानमन्त्री सुशीला कार्कीले मतदाता नामावली दर्तामा देखिएको उत्साह र चापलाई ध्यानमा राखी दर्ताको अवधि थप्न निर्वाचन आयोगलाई आग्रह गरेकी छन्।     आयोगका कार्यवाहक प्रमुख निर्वाचन आयुक्त रामप्रसाद भण्डारीसँग आज टेलिफोनमा कुरा गर्दै प्रधानमन्त्री कार्कीले म्याद थपका लागि आग्रह गर्नुभएको उनको सचिवालयले जनाएको छ।   आयोगले यही कात्तिक ३० गतेसम्मका लागि नामावली दर्ताको समय निर्धारण गरेको थियो। प्रधानमन्त्री कार्कीको आग्रहपछि कार्यवाहक प्रमुख आयुक्त भण्डारीले पाँच दिन थप्न सकारात्मक रहेको जवाफ दिएका छन्।   राष्ट्रिय परिचयपत्रको विवरणका आधारमा मतदाता नामावलीमा नाम दर्ता गराउन मिल्ने भएपछि ‘अनलाइन’बाट नाम दर्ता गराउनेको उच्च चाप देखिएको छ। यसैबीप्रधानमन्त्री कार्कीले ‘इन्टरनेट सर्भर’मा देखिएको समस्याका…

  चितवन, कार्तिक २६ चितवन सेवा समाज अन्तर्राष्ट्रिय समन्वय समितिको २०८२–८४ कार्यकालका लागि नयाँ नेतृत्वलाई पद हस्तान्तरण गरिएको छ। अध्यक्ष लाल बहादुर भट्टसहित सम्पूर्ण कार्यसमितिका पदाधिकारी तथा सदस्यहरूलाई औपचारिक रूपमा जिम्मेवारी हस्तान्तरण गरियो। कार्यक्रममा २०८०–८२ कार्यकालका पदाधिकारीहरूले आफ्नो कार्यकालको समापन सन्देश दिँदै सल्लाहकार, कार्यालय सचिव, आजीवन सदस्य, राष्ट्रिय समन्वय समितिका देशगत प्रतिनिधिहरू, शाखा समितिहरू तथा देश -विदेशबाट हरेक तरिकाले साथ, सहयोग र मार्गदर्शन गर्ने सम्पूर्ण सहयोगीप्रति हार्दिक धन्यवाद व्यक्त गरे। साथै प्रवाशि बहुउद्देश्यीय सहकारी बचत तथा ऋण सहकारी संस्थाले पनि नयाँ कार्यसमितिलाई स्वागत तथा सम्मान कार्यक्रम राखेको थियो । पद हस्तान्तरण कार्यक्रमले संस्थागत निरन्तरता, नेतृत्वको सम्मान र सहकार्यको संस्कृतिलाई अझ…

काठमाडौं - सरकारले परराष्ट्र मन्त्रालयमा हाजिर गर्नेगरी बोलाएका ११ राजदूतमध्ये चारजनाले राजीनामा दिएका छन् । उनीहरूले परराष्ट्र मन्त्रालयमा आफ्नो राजीनामा बुझाएका हुन् ।       स्रोतका अनुसार, बेलायतका लागि राजदूत चन्द्रकुमार घिमिरे, चीनका लागि राजदूत कृष्णप्रसाद ओली, कतारका लागि राजदूत रमेशचन्द्र पौडेल र अमेरिकाका लागि राजदूत लोकदर्शन रेग्मीले पदबाट राजीनाम दिएका हुन् ।   परराष्ट्र मन्त्रीको हैसियतमा प्रधानमन्त्री सुशीला कार्कीले कात्तिक १७ गते ११ देशका नेपाली राजदूतलाई कात्तिक २० गतेभित्र परराष्ट्र मन्त्रालयमा रही कामकाज गर्ने गरी बोलाउने निर्णय गरेकी थिइन् ।   प्रधानमन्त्री कार्कीले परराष्ट्र मन्त्रालयमा रही काम गर्नेगरी बोलाएका राजदूतहरूमा कृष्णप्रसाद ओली ९चीन०, शाहिल रुपाखेती ९जर्मनी०, दुर्गाबहादुर सुवेदी…

काठमाडौँ-   सरकारले मधेश प्रदेश प्रमुख सुमित्रा सुवेदी भण्डारीलाई पदबाट हटाउने निर्णय गरेको छ। सोमबार साँझ बसेको मन्त्रिपरिषद्को बैठकले भण्डारीलाई पदमुक्त गर्दै उनको ठाउँमा राजनीतिक विश्लेषक सुरेन्द्र लाभलाई नयाँ प्रदेश प्रमुखमा सिफारिस गरेको हो। सरकारको सिफारिसमा राष्ट्रपतिबाट प्रदेश प्रमुख नियुक्त गर्ने संवैधानिक व्यवस्था रहेको छ। प्रदेश प्रमुख सम्बन्धित प्रदेशमा संघीय सरकारको प्रतिनिधिका रूपमा काम गर्छन्। विवादपछि पदमुक्त भण्डारीको बर्खास्ती आइतबार सार्वजनिक विवादसँग जोडिएको छ। आइतबार कांग्रेससहित सात दलले संविधानको धारा १६८ को उपधारा ९२० बमोजिम सरकार गठनका लागि भण्डारीलाई खबरदारी गरेका थिए।   तर त्यसैदिन अस्वस्थताको कारण जनकपुरबाट काठमाडौँ प्रस्थान गरेको बताउँदै उनी निवासबाट निस्किएकी थिइन्। काठमाडौँ जान लागेको जानकारी…

चितवन- चितवन सेवा समाज अन्तर्राष्ट्रिय समन्वय समितिको अध्यक्षमा लाल भट्ट सर्वसम्मत निर्वाचित हुनुभएको छ । संस्थाको छैठौं विश्व सम्मेलन तथा बाह्रौं साधारण सभाले २०८२–८४ कार्यकालका लागि भट्टको अध्यक्षतामा ११ जना नयाँ कार्यसमिति चयन गरेको हो। नव–निर्वाचित कार्यसमितिमा इश्वर राज अधिकारी तथा सीता अधिकारी उपाध्यक्ष, मित्रलाल पाण्डे महासचिव, अर्जुन अधिकारी सचिव र राम बहादुर भट्टराई कोषाध्यक्षमा निर्विरोध निर्वाचित हुनुभयो।   कार्यसमिति सदस्यहरूमा अन्जु ढकाल, लिला पौडेल न्यौपाने, लक्ष्मण पौडेल, काशीराम कँडेल र मोहन खड्का रहनुभएको छ। यस्तै उप–समितिहरूमा महानगर संयोजकम इन्दिरा पौडेल मरहठ्ठा , रवीलाल भट्टलाई मिडिया को–अर्डिनेटर तथा विजय अर्याल लेखा समिति संयोजक चुनिएका छन्। निवर्तमान अध्यक्ष दीपक गौतम “लंकूखोले”…

काठमाडौं - प्रधानमन्त्री सुशीला कार्कीले नयाँ पुस्तालाई मतदाता नामावलीमा नाम सङ्कलन गरेर आगामी निर्वाचनमा विवेकको मत प्रयोग गर्न आह्वान गरेकी छन्।     प्रधानमन्त्री कार्कीले आज भिडियो सन्देश दिँदै आगामी फागुन २१ गतेका लागि तोकिएको प्रतिनिधिसभाको निर्वाचनका लागि विवेकको मत प्रयोग गर्न आह्वान गरेकी हुन्।   उनले भिडियो सन्देश जारी गर्दै भनेकी छन्, ‘जेनजी युवा र समस्त नेपालीको सपनाको नेपाललाई यथार्थको नेपाल बनाउन, सबैभन्दा पहिला तपाईँ–हामीले हाम्रो मतदाता परिचयपत्र बनाउनुपर्छ। अनि त्यसको सही उपयोग गरेर सही प्रतिनिधि छान्नुपर्छ।’   प्रधानमन्त्री कार्कीले विद्यमान बेथितिसँग लड्न र देश विकासमा सँगै अगाडि बढ्न हरेक योग्य नागिरकले आफ्नो मताधिकारको सदुपयोग गर्नुपर्ने समेत बताएकी छन्।…