बकुलहर रत्ननगर अस्पतालको सामाजिक परीक्षण
रत्ननगर - पूर्वी चितवनको बकुलहर रत्ननगर अस्पतालले प्रदान गर्ने स्वास्थ्य सेवा र त्यसको प्रभावकारीको विषयमा विहीबार सामाजिक परीक्षण कार्यक्रम गरिएको छ । अस्पतालले प्रदान गर्ने सेवा प्रति नागरिकको अपेक्षा र सुधार गर्नुपक्षका विषयमा अभिमत संकलनको लागि कार्यक्रम आयोजना गरिएको हो । कार्यक्रममा सहभागीहरुले स्वास्थ्य बीमाको १० प्रतिशत शुल्क खारेजीको माग गरेका छन् । उनीहरुले स्वास्थ्य बिमामा विरामीको रोग अनुसारको औषधि उपलब्ध नभएको भन्दै गुणस्तरीय औषधिको व्यवस्था गर्न माग समेत गरेका छन् । मृगौला रोगीको डायलासिस, छालाको प्रभावकारी उपचार, ल्याव रिपोटमा अटोमेटिक मेसिनको प्रयोग गरिएकोमा अस्पतालको प्रशंसा गर्दै उपचारमा उपकरणको प्रयोग बढाउन र विशेषज्ञ डाक्टरहरु थप गर्न माग गरेका छन्…
