ब्रेकिङ न्यूज

काठमाडौं- बाढी, पहिरो तथा सडक कटानका कारण देशका विभिन्न सडक तथा राजमार्ग अवरुद्ध भएका छन्। प्रहरीका अनुसार बुधबार बिहान ७ बजेसम्म विभिन्न स्थानमा सडक पूर्ण रूपमा बन्द रहेका छन्। काभ्रेपलाञ्चोक–सिन्धुलीकोखुर्कोट–नेपालथोक–कटुन्जेबेँसी हुँदै सिन्धुली जोड्ने विपी राजमार्गमा सम्भावित बाढीको जोखिमलाई मध्यनजर गर्दै सम्पूर्ण सवारी साधनको आवतजावतमा रोक लगाइएको छ।त्यस्तै मकवानपुरको कान्ति लोकपथमा रातिको समयमा सबै प्रकारका सवारी साधन सञ्चालनमा रोक लगाइएको छ। बेलुका ५ बजेदेखि बिहान ५ बजेसम्म सवारी आवागमन रोकिएको छ। सिन्धुपाल्चोकको अरनिको राजमार्गका विभिन्न स्थानमा पहिरो र सडक भासिएका कारण सडक पूर्ण रूपमा अवरुद्ध भएको छ । भोटेकोशी गाउँपालिका–४ चारकिलोमा असार ३१ गते सडक माथिबाट पहिरो खसेपछि सडक अवरुद्ध भएको…

काठमाण्डौं- बागलुङको काठेखोला धम्जामा आपसी विवादका क्रममा चक्कु प्रहारबाट एक साथीले चक्कु प्रहार गरि अर्काे साथीको हत्या गरे। धम्जाको माझकटेरामा श्रमिकका रूपमा बस्दै आएका ढोरपाटन बस्ने शोक खत्रीकोलाई आप्नै साथी अर्जुन घर्तीले हत्या गरेका हुन् । आपसी विवादका क्रममा खत्रीलाई चक्कु प्रहार गरी हत्या गरेको जिल्ला प्रहरी कार्यालय बागलुङका सूचना अधिकारी रामेश्वर त्वातीले जानकारी दिए। खत्रीको घटनास्थलमै मृत्यु भएको प्रहरीले जनाएको छ । दुवै जना स्थानीय निर्मल आधारभूत विद्यालयको भवन निर्माणमा मजदुरी गर्दै आएका थिए ।

काठमाण्डौं- सङ्घीय संसद्, प्रतिनिधि सभाको बैठक आज अपराह्न १ बजे बस्दै छ । आज सिंहदरबारमा बस्ने बैठकमा खानी तथा खनिज पदार्थ विधेयक, २०८३ माथि विचार गरियोस् भन्ने प्रस्ताव पेस गर्ने कार्यसूची रहेको छ । उद्योग, वाणिज्य तथा आपूर्ति मन्त्री गौरी कुमारीले उक्त प्रस्ताव प्रस्तुत गर्ने सम्भावित कार्यसूची छ ।

काठमाण्डौं कोलम्बियामा सोमबार शक्तिशाली भूकम्प जाँदा कम्तीमा १११ जनाको मृत्यु भएको छ । स्थानीय समयअनुसार बिहान ७ः३४ बजे चोको प्रान्तमा ७.४ म्याग्निच्युडको भूकम्प गएको हो। कोलम्बियाको भूगर्भ सेवा विभागका अनुसार भूकम्प १०३ किलोमिटर गहिराइमा गएको थियो। पश्चिमी कोलम्बियाका सयौँ किलोमिटर क्षेत्रसम्म भूकम्पको धक्का महसुस गरिएको थियो। भूकम्पको केन्द्रबिन्दुबाट करिब ५५ किलोमिटर टाढा रहेको पेरेइरा सहरमा भने ठुलो क्षति भएको बीबीसीले जनाएको छ । सहरका केही क्षेत्रमा मङ्गलबार स्थानीय समयअनुसार बिहान ५ बजेसम्म कर्फ्यु लगाइएको बीबीसीमा उल्लेख छ।

काठमाण्डौं- प्रतिनिधिसभाको बैठक आज १ बजे सिंहदरबारमा बस्दैछ । आज बैठकमा विभिन्न चारवटा विधेयक प्रस्तुत गर्ने कार्यसूची रहेको छ । सचिवालयका अनुसार आजको बैठकमा परराष्ट्र मन्त्रालय र युवा, श्रम तथा रोजगार मन्त्रालयसँग सम्बन्धित मौखिक प्रश्नको सम्बन्धित मन्त्रीले जवाफ दिने कार्यसूची छ । यस्तै, बैठकमा अर्थमन्त्री डा स्वर्णिम वाग्लेले ‘कर्मचारी सञ्चय कोष ९दशौँ संशोधन० विधेयक, २०८३’ प्रस्तुत गर्नेछन् । भने कानुन, न्याय तथा संसदीय मामिलामन्त्री सोविता गौतमले ‘मेलमिलापसम्बन्धी ९दोस्रो संशोधन० विधेयक, २०८३’ प्रस्तुत गर्नुहुनेछ । युवा, श्रम तथा रोजगारमन्त्री रामजी यादवले ‘बालश्रम ९निषेध तथा नियमित गर्ने० विधेयक, २०८३’ प्रस्तुत गर्नुहुनेछ । त्यस्तै, बैठकमा प्रधानमन्त्री वालेन्द्र शाहको तर्फबाट कानुन, न्याय तथा संसदीय…

काठमाण्डौं- आज साउन महिनाको अन्तिम सोमबार काठमाडौँको पशुपतिनाथ, चितवन तथा तनहूँसहित देशभरका शिवालयमा श्रद्धालुको घुइँचो लाग्ने गर्छ । साउन महिनामा पवित्र नदी, तालबाट जल लगेर शिवालयमा चढाउने तथा बोलबम मेला पनि लाग्छ । देशभर बोलबम तीर्थालुको शिवालयमा घुइँचो हुने गर्दछ । विशेष गरी अन्तिम दिन काठमाडौँको सुन्दरीजलबाट ल्याइएको जल पशुपतिमा चढाएर पूजापाठ गर्न बोलबम श्रद्धालुको घुइँचो लाग्ने गर्छ । काठमाडौँको पशुपतिनाथ, चितवन, नवलपरासी र तनहुँको सङ्गमस्थल देवघाटधाम, भक्तपुरको डोलेश्वर, ललितपुरको कुम्भेश्वर, पूर्वको हलेसी, सुनसरीको पिण्डेश्वर, म्याग्दीको गलेश्वर, कपिलवस्तुको कुशेश्वर, पर्वतको गुप्तेश्वर, जनकपुरको कपिलेश्वर, जलेश्वरको शिरेश्वरलगायत मन्दिरमा पूजा गर्ने र बोलबम मेला भर्नेको घुइँचो लाग्ने गर्छ ।

काठमाण्डौं- झापामा अटो र ट्याक्टर एक आपसमा ठक्कर खादा एक जनाको मृत्यु भएको छ भने चार जना घाइते भएका छन्। बिर्तामोड २ स्थित भित्री सडकमा मे १ ह ३८४२ नम्बरको अटो र मे १ त ७१५३ नम्बरको ट्याक्टर एक आपसमा ठक्कर खाँदा अटोमा सवार अटो चालक तयामुल हक सहित अन्य चार जना घाइते भएका हुन् । जसमा अटोमा सवार झापा गाउँपालिका ४ भामटोली निवासी ३५ वर्षीय सुखी बिबीको उपचारका क्रममा दिउँसो साढे १ बजे बिर्तासिटी अस्पताल बिर्तामोडमा मृत्यु भएको जिल्ला प्रहरी कार्यालय झापाले जनाएको छ । उक्त दुर्घटनामा परि घाइते अन्यको बिर्तासिटी अस्पतालमा उपचार भइरहेको प्रहरीले जनाएको छ ।

काठमाण्डौं- काभ्रेको दुलालेश्वर महादेव मन्दिर नजिकबाट सुनकोशी नदीमा बेपत्ता भएका वृद्ध दम्पतीमध्ये श्रीमतीको शव फेला परेको छ। ६७ वर्षीया तिलकुमारी पराजुलीको शव ओखलढुंगाको हर्कपुरस्थित सुनकोशी नदी किनारमा फेला परेको हो। जिल्ला प्रहरी कार्यालय काभ्रेका अनुसार शव उनका आफन्तले पहिचान गरेका छन्। साउन २० गते ६८ वर्षीय केदारनाथ पराजुलीले लामो समयदेखि अस्वस्थ रहेकी श्रीमती तिलकुमारीलाई पिठ्युँमा बोकेर दुलालेश्वर महादेव मन्दिर नजिकबाट सुनकोशी नदीमा हाम फालेका थिए। उक्त घटना मन्दिर नजिकैको दृश्य निगरानीमा समेत कैद भएको प्रहरीले जनाएको छ। घटनापछि दुवै जना नदीमा बेपत्ता भएका थिए। केदारनाथको अवस्था भने अझै अज्ञात रहेको प्रहरीले जनाएको छ।