काठमाडौं –
जर्मनीस्थित नेपाली दूतावासका प्रथम सचिव रञ्जन यादवविरुद्ध उजुरी परेको छ ।
एकैपटक ४२ दिनको हाजिरी गरेको आरोपमा उनलाई राष्ट्रिय सतर्कता केन्द्रमा उजुरी परेको हो ।
एकैचोटि हाजिर गर्नु सुशासन विरुद्धको कदम भएको उल्लेख गर्दै उजुरकर्ताले हाजिरीसम्बन्धी अनियमितता तथा आर्थिक अनुशासन उल्लंघनमा कानुनबमोजिम कारबाही गर्न माग गरेका छन् ।
‘सार्वजनिक पदमा कार्यरत व्यक्तिको हाजिरी तथा सरकारी अभिलेखको विश्वासनीयतामाथि प्रश्न उठेको तथा संवेदनशील विषयमा प्रमाण नष्ट वा प्रभावित हुन नदिन सम्बन्धित अभिलेखहरु तत्काल सुरक्षित राखी निष्पक्ष, स्वतन्त्र र तथ्यमा आधारित छानबिन गर्न उजुरीमा उल्लेख छ ।
केन्द्रकी सूचना अधिकारी सरिताकुमारी खतिवडाले उनीविरुद्ध उजुरी परेको पुष्टि गरिन् । आवश्यक कारबाहीको प्रक्रिया अगाडि बढाइसकेको उनको भनाइ छ । ज.आ.
