समाचार

चितवन - गोरखाबाट नारायणघाट आउँदै गरेको वस दुघर्टना भएको छ ।   गोरखा नगरपालिका-११ बाह्रकिलोमा बस दुर्घटना हुँदा २१ जना घाइते भएका हुन् ।   आइतबार दिउँसो ना ४ ख १४१९ नम्बरको बस गोरखा बाह्रकिलोमा दुर्घटनामा परेको जिल्ला प्रहरी कार्यालय गोरखाले जनाएको छ ।   बस रोकेर चालक अन्यत्र गएको बेला दुर्घटना भएको हो । बस १० मिटर तल खसी पल्टेको थियो ।   दुर्घटनामा २० जना घाइते भएका छन् । घाइतेको गोरखा अस्पतालमा उपचार भइरहेको प्रहरीले जनाएको छ ।

भरतपुर- चितवनमा आयोजना भएको उज्यालो नेपाल पार्टीको प्रथम जिल्ला भेला सम्पन्न भएको छ। चितवनको भरतपुरमा सम्पन्न भेलामा केन्द्रीय समिती सदस्य संजिव भट्टराई (चितवन) , ई. डा. शंकर ढकाल (काभ्रे) र डा. आशुतोष विजय पन्त (ललितपुर) को उपस्थिति थियो । केन्द्रीय सदस्य संजिव भट्टराईले पार्टिको साङठनिक र नितिगत बिषयहरुमा अभिमुखिकरण गर्नुभयो। भेलामा ५० भन्दा बढी विभिन्न क्षेत्रका प्रतिष्ठित ब्यक्ति तथा पार्टी सुभेच्छुक र सदस्यहरुको  उपस्थिती थियो। चितवनका ३ वटै निर्वाचन क्षेत्रहरूमा अन्तर्गत क्षेत्र १ मा कुशल के. सि, क्षेत्र २ मा सरला लामिछाने र क्षेत्र ३ मा समीर के. सिलाई सर्वसम्मतले निर्वाचन क्षेत्र सम्पर्क व्यक्ती तोकीएको छ । कुशल नेपाल-अष्ट्रेलिया प्रवासी नेपाली…

काठमाडौं - प्रधानमन्त्री सुशीला कार्कीले मुलुकमा शान्ति सुरक्षा बहाल गराई आगामी फागुन २१ गते हुने प्रतिनिधिसभा सदस्यको निर्वाचन सफलतापूर्वक सम्पन्न गर्ने काममा नेपाली सेनाको महत्त्वपूर्ण भूमिका रहेको बताएकी छन्। आज भद्रकालीस्थित नेपाली सेनाको मुख्यालयको निरीक्षणका क्रममा प्रधानमन्त्री कार्कीले सरकारलाई प्राप्त जिम्मेवारीबमोजिम शान्ति सुरक्षाको प्रत्याभूतिसहित घोषित मितिमा स्वतन्त्र, निष्पक्ष र भयरहित वातावरणमा निर्वाचन सम्पन्न गरी राष्ट्रिय अभिभारा पूरा गर्ने अभियानमा सेनाको प्रमुख भूमिका रहेको स्पष्ट गरे। गौरवमय इतिहास भएको नेपाली सेनाले निर्वाचन सुरक्षाका क्रममा यसअघि जस्तै प्राप्त जिम्मेवारी सफलतापूर्वक पूरा गर्ने विश्वास व्यक्त गरे। ‘जनतालाई सुरक्षाको प्रत्याभूति दिन, प्रहरी कारबाहीलाई सहजीकरण, सहयोग र सुरक्षित गर्न तथा सबै राजनीतिक दलका राजनीतिक गतिविधिलाई…

  काठमाडौँ- आगामी फागुन २१ गतेका लागि तय भएको प्रतिनिधि सभा निर्वाचनमा भाग लिनका लागि १ सय ८ राजनीतिक दलले निवेदन दर्ता गराएका छन् । निर्वाचन आयोगका अनुसार फागुन २१ को निर्वाचनमा भाग लिनका लागि मंसिर १ गतेदेखि १० गतेसम्ममा १ सय ६ दलले दल दर्ता गराएकामा दल दर्ताका लागि थपिएको ४ दिनमा पहिलो दिन बिहीबार थप २ दल दर्ता भएका हुन् ।     बुधबार साँझ मात्रै आयोगले निर्वाचन प्रयोजनका लागि ४ दिन म्याद थप गर्ने निर्णय गरेसँगै बिहीबार थप २ दल दर्ता भएका हुन् । बिहीबार थपिने २ दलमा प्रेमकुमार थाम्सुहांग नेतृत्वको नागरिक बचाउ दल नेपाल र प्रकाश…

काठमाण्डौ – सञ्चार तथा सूचना प्रविधिमन्त्री जगदीश खरेलले सबै राजनीतिक दल चुनावका लागि तयार भइसकेका बताउनुभएको छ । आज नेकपा एमालेले पनि निर्वाचन आयोगमा दल दर्ताका लागि निवेदन दिएपछि मन्त्रिपरिषद् बैठकमा निर्णय सार्वजनिक गर्ने क्रममा सञ्चारकर्मीले राखेका जिज्ञासाको जवाफ दिने क्रममा सञ्चारमन्त्री खरेलले अब चुनाव हुँदैन कि भन्ने आशङ्का गर्ने ठाउँ नरहेको बताउनुभयो । उहाँले चुनावका लागि राजनीतिक दलहरूको तर्फबाट वातावरण बनिसकेको र सरकारले पनि आवश्यक सुरक्षा योजना बनाएर कार्यान्वयन गर्नतर्फ केन्द्रित भएको स्पष्ट पार्नुभयो । यस्तै मन्त्री खरेलले प्रधानमन्त्री सुशीला कार्कीले नवयुवा आन्दोलनको मर्म र भावना अनुसार आफूलाई अघि बढाएको दाबीसमेत गर्नुभयो ।

काठमाडौं- प्रतिनिधिसभाको निर्वाचनमा भाग लिन नेकपा एमाले र राप्रपाले निर्वाचन आयोगमा दल दर्ता गराएको छ। आज एमालेका निर्वाचन विभाग प्रमुख निरज आचार्य र राप्रपाको तर्फबाट केदारबहादुर अधिकारीले दल दर्ताको निवेदन दिएका हुन् । आगामी फागुन २१ गते हुने उक्त आमनिर्वाचनका लागि हालसम्म आयोगका दर्ता रहेका ६७ राजनीतिक दलले चुनावमा भाग लिन दल दर्ताका लागि निवेदन दिएको आयोगका प्रवक्ता नारायणप्रसाद भट्टराईले जानकारी दिए। एमालेले आगामी माघ ११ गते हुने राष्ट्रियसभा सदस्य निर्वाचनका लागि यसअघि नै दल दर्ताका लागि निवेदन दिइसकेको छ।

चितवन- मुग्लिन-पोखरा सडक आजदेखि १० दिनसम्म दैनिक चारघण्टा बन्द हुने भएको छ। मुग्लिन–पोखरा राजमार्ग सुधार योजना अन्तर्गत पश्चिम खण्ड दैनिक चार घण्टा बन्द गरेर सडक स्तरोन्नती गर्न लागिएको सडक आयोजनाले जनाएको छ। यो सडक आजदेखि १० दिनसम्म दैनिक चार घण्टा पूर्ण तथा आंशिक रूपमा बन्द गर्न लागिएको हो। आजदेखि दैनिक बिहान छ बजेदेखि आठ बजेसम्म र मध्याह्न १२ बजेदेखि दुई बजेसम्म सडकमा सवारी साधन रोकेर निर्माणको काम गर्न लागिएको योजना प्रमुख कृष्ण बहादुर कुँवरले जानकारी दिए। हाल मुग्लिन(पोखरा सडक खण्ड अन्तर्गत तनहुँको जामुने बजारदेखि पोखराको सेती नदी पुलसम्मको सडकमा स्तरोन्नतिको काम भइरहेको छ। पोखराको विजयपुर पुलको ‘अपस्ट्रिम साइड’ मा दुई…