ब्रेकिङ न्यूज

काठमाडौं -   सत्तारुढ दल एमालेले गर्ने सडक प्रदर्शनका कारण काठमाडौं उपत्यकाको ट्राफिक व्यवस्था अस्तव्यस्त बनेको छ । कार्यालय जान लागेकाहरु समयमा घरबाट निस्किए पनि जामको सास्तीमा परेका छन् । प्रदर्शनले सडक र सवारीलाई सास्ती मात्रै दिएको छैन । सरकारी तथा निजी कार्यालयहरू पनि ठप्प बन्न पुगेका छन् । कर्मचारीहरूले १२ बज्नै लाग्दा पनि आफ्नो कार्यालय पुग्न सकेका छैनन् । सेवाग्राहीको अवस्था पनि उस्तै छ । कार्यालय पुगेका सेवाग्राहीले आफ्नो काम गराउन पाएका छैनन् । यसको असर राजधानीका विद्यालयहरूमा परेको छ । विद्यार्थी र शिक्षकहरू अहिलेसम्म पनि विद्यालयमा पुग्न सकेका छैनन् । घण्टौँ जाममा फसेका सर्वसाधारणहरूले सरकारप्रति आक्रोश व्यक्त गरेका…

काठमाण्डौ – काठमाण्डौ महानगरपालिकाको कार्यालय रहेको काठमाण्डौ प्लाजामा निःशुल्क पार्किङ उपलब्ध हुने भएको छ । शुक्रबारदेखि बेलुकी साढे ५ बजेदेखि राति ११ बजेसम्म महानगरको कार्यालय परिसर गाडी पार्किङका लागि उपलब्ध हुने महानगरले जनाएको छ । प्रशासन विभागका प्रमुख ध्रुवकुमार काफ्लेले यो सुविधापछि कमलादी, पुतलीसडक, दरबार मार्ग, हात्तीसार, कमलपोखरीलगायत ठाउँको यातायात आवागमन र पार्किङ्मा सहजता हुने बताए । महानगर प्रहरी बलका प्रमुख राजुनाथ पाण्डेले पार्किङ व्यवस्थापन महानगर प्रहरी बलले गर्ने जानकारी दिए ।

काठमाडौं-   सरकारले नेपाल विद्युत प्राधिकरणमा भएका अनियमितताका विषयमा छानबिन गर्न समिति गठन गरेको छ। मन्त्रिपरिषद्को बिहीबार बसेको बैठकले उच्च अदालतका पूर्वन्यायाधीश हरिकुमार पोखरेलको नेतृत्वमा तीन सदस्यीय समिति बनाएको हो। आयोगमा एक जना प्राविधिक र चार्टर्ड एकाउन्टेन्ट सदस्य रहनेछन्। यो समितिले सर्वोच्च अदालतका न्यायाधीश गिरिशचन्द्र लाल आयोगले औंल्याएका अन्य विषयबारे पनि छानबिन गर्नेछ। त्यस्तै मन्त्रिपरिषद् बैठकले सूचना आयोगको प्रमुख आयुक्तमा सुरेश आचार्यलाई नियुक्त गरेको छ। सदस्यहरूमा गगन विष्ट र दुर्गा भण्डारी नियुक्त भएका छन्। सभामुख देवराज घिमिरे, सञ्चारमन्त्री पृथ्वीसुब्बा गुरूङ र नेपाल पत्रकार महासंघ अध्यक्ष रहेको समितिले आचार्य, विष्ट र भण्डारीलाई प्रमुख आयुक्त र आयुक्त सिफारिस गरेको थियो। मन्त्रिपरिषद् बैठकले…