काठमाण्डौं-
फिफा विश्वकप फुटबल अन्तर्गतको खेलमा स्वीडेनले ट्युनिसियालाई ५–१ गोलले हराएको छ । स्वीडेनका यासिन अयारीले २ तथा अलेज्यान्डर इसाक, भिक्टर ग्योकेरेस र माथिएस स्भानवर्गले १–१ गोल गरे ।
ट्युनिसियाका ओमार रेकिकले १ गोल गरे । यसै समूहको पहिलो खेलमा नेदरल्यान्ड्स र जापानले २–२ को बराबरी खेल्दै अंक बाँडेका थिए ।
त्यस्तै आइभरी कोस्टले इक्वेडरलाई १–० ले पराजित गरेको छ । फिलाडेल्फियामा केहीबेर अघि सम्पन्न खेलमा आइभरी कोस्टका अमद डियालोले अन्तिम समयमा गरेको गोल निर्णायक बन्यो । अमद डियालोले ९०औँ मिनेटमा गोल गर्दै टोलीलाई जित दिलाए । जितसँगै आइभरी कोस्टले विश्वकप अन्तर्गत समूह ‘ई’ मा महत्वपूर्ण ३ अंक जोडेको छ ।
