काठमाण्डौं-
क्रिप्टोकरेन्सी तथा हुण्डी कारोबारमा संलग्न रहेको आरोपमा चितवन रत्ननगरका एकसहीत चार जना पक्राउ परेका छन् ।
काठमाडौं उपत्यका अपराध अनुसन्धान कार्यालयले गोप्य सूचनाको आधारमा काठमाडौं महानगरपालिका–३१ नयाँ बानेश्वर क्षेत्रबाट उनीहरूलाई पक्राउ गरेको हो ।
पक्राउ पर्नेहरूमा चितवन रत्ननगर–२ घर भई हाल ललितपुर बस्ने ३२ वर्षीय सवन अधिकारी, काठमाडौं तारकेश्वर–८ का २५ वर्षीय आशिष अधिकारी, चितवन भरतपुर–८ घर भई काठमाडौं बस्ने ३२ वर्षीय रविन जि।आर। तथा ललितपुर महालक्ष्मी–४ का ३७ वर्षीय अनित्य शाक्य रहेका छन् ।
प्रहरीका अनुसार उनीहरूले नेपाल राष्ट्र बैंकको निर्देशनविपरीत हुण्डी तथा क्रिप्टोकरेन्सी प्रयोग गरी अवैध वित्तीय कारोबार गर्दै आएका थिए । उनीहरूलाई नगद ३० लाख रुपैयाँसहित कारोबारमा प्रयोग हुने मोबाइल फोन र एक थान म्याकबुकसहित पक्राउ गरिएको हो ।
उनिहरुलाई मुलुकी अपराध संहिता, २०७४ अन्तर्गत हुण्डी तथा अवैध मुद्रा कारोबारसम्बन्धी कसुरमा अनुसन्धान तथा कारबाहीका लागि जिल्ला प्रहरी परिसर भद्रकाली, काठमाडौं पठाइएको प्रहरीले जनाएको छ ।
