भरतपुर,३० भदौ ।
भरतपुर अस्पतालमा वरिष्ठ कन्सल्टेन्टको रुपमा कार्यरत स्त्री तथा प्रस्तुती रोग विशेषज्ञ ४४ वर्षीय डा. सजन केसीको निधन भएको छ । मुटु सम्बन्धी समस्याको कारण उनको आइतबार काठमाडौमा निधन भएको छ। डा केसीमा पहिल्यैदेखि मुटुसम्बन्धी समस्या रहेको भरतपुर अस्पतालका मेसु डा कृष्णप्रसाद पौडेलले जानकारी दिनुभयो ।
उहाँ विगत ६ वर्षदेखि स्त्री तथा प्रस्तुती रोग विशेषज्ञको रुपमा भरतपुर अस्पतालमा १० औँ तहमा कार्यरत हुनुहुन्थ्यो । डा केसी बिरामीमाझ सहयोगी र मिलनसार चिकित्सकको रुपमा परिचित हुनुहुन्थ्यो ।डा. केसीको मृत्यु सम्भाव्य कारण पुरानो एओर्टिक एनोरिज्म च्यातिने वा फुट्ने कारणले हुन सक्ने उनको उपचार प्रकृयामा संलग्न एक चिकित्सकले बताए ।
चिकित्सकीय स्रोतका अनुसार उनको मुटु बाट निक्लिने एओर्टा फुल्ने समस्या (एनयुरिज्म) थियो । यस अघि समेत त्यही नशा च्यापिएर समस्या भएको थियो ।
यस पटक समेत यो समस्या फेरी देखियो उनको उपचार प्रकृयामा संलग्न एक चिकित्सकले भने छातीमा गार्हो भएर उनलाई विनायक अस्पालमा लगिएको थियो , त्यहाँ स्वास्थ्यमा सुधार नदेखिए पछि मनमोहन कार्डियो थोरािसक भास्कुलर एवं ट्रान्सप्लान्ट सेन्टरमा पठाइएको थियो ।
डा. केसीलाई अस्पताल पुर्याउदा उनको मुटु काम गरिरहेको थिएन । हामीकहाँ आउनु अघि बाटो मै निधन भएकोले सिपिआर लगायतका प्रक्रिया गर्दा समेत फर्काउन नसकिएको उपचारमा संलग्न चिकित्सकले बताए ।
