चितवन –
चितवन पूर्वी चितवनको कालिका नगरपालिकामा दुइ युबकले हतियार देखाएर सुनचाँदी पसलमा लुटपाट गरेका छन ।
कालिका- ६ खोलेसिमल बजारमा रहेको विनोद सुनचाँदी पसलमा बेलुकी ८ वजे हतियार सहित २ जनाले खुकुरी देखाएर लुटपाट गरेको सुनचाँदी पसलका बिनोद सुनारले बताए।
पसलको गरगहना थन्क्याउने क्रममा उनिहरुले कामदारहरुलाई भित्रै थुनी खुकुरी देखाएर गरगहना लुटपाट गरेको बिनोदले जानकारीअनुसार दिए ।लुटेराहरुले सुन पसलमा जडान गरिएको सिसिटिभिको डिस नै खोलेर लगेको तथा समान जेब्रा र अन्य प्लास्टिकका झोलामा राखी भागेका थिए ।
घटनास्थालमा जिल्ला प्रहरी कार्यालय चितवनका प्रहरी टोलिले अनुसन्धान गरेर गएको छ । गरगहना करिब ३ करोडको रहेको पसलका बिनोद सुनारले जानकारी दिए । लुटेराहरुले बाहिर मोटरसाइकल राखी ५ मिनेटमा सामान लगेको कामदारले बताएका छन ।
