ब्रेकिङ न्यूज

चितवन - चितवनको देवघाटमा प्रहरीकै संरक्षणमा माटो तस्करी भएको भन्दै आलोचना भइरहेको छ । भरतपुर महानगरपालिका– १ देवघाटधामबाट माटो तस्करी भएको स्थानीयले आरोप लगाएका छन् । राजनीतिक र प्रहरी, प्रशानका केही बिचौलियाको संरक्षणमा रहेका व्यक्तिहरूले भरतपुर लकुको एउटा हार्डवेयर कम्पनीमा माटो बिक्री गरेको रहस्य बाहिर आएको छ । माटो बिक्री गरेको रहस्य बाहिर आएपछि स्थानीयले विरोध गरेका छन् । तस्करीको माटो बोकेका टिप्परहरूलाई स्थानीयले बीच बाटोबाटै फर्काएका छन् । बिचौलिया र दलालहरूसँग मिलेर प्रहरीले नै माटो तस्करी गर्न दिएको आरोप स्थानीयले लगाएका हुन्। बिचौलियासँग मिलेर माटो तस्करीको लागि सहयोग गरेको आरोप अस्थायी प्रहरी पोष्ट देवघाटका ईञ्चार्ज जितेन्द्र मिश्रलाई स्थानीयले लगाएका…

चितवन- चितवनको कालिका नगरपालिका–३ मा एक ग्रिनेड बम फेला परेको छ । वडा नं। ३ को चतुर्मुखी थान मन्दिरमा पूजाआजाको लागी सरसफाई गर्ने क्रममा ग्रिनेट बम फेलापरेको कालिकाका प्रमुख विनोद रेग्मीले जानकारी दिए।   स्थानीयहरूले बम फेलापरेपछि प्रहरीलाई खबर गरेका थिए। अहिले सो स्थानमा प्रहरी तैनाथ गरिएको छ।       ईलाका प्रहरी कार्यालय रत्ननगर टाँडीका प्रहरी प्रमुख डिएसपी रञ्जन अवाका अनुसार बम निष्क्रिय पार्नको लागी नेपाली सेनाको बम डिस्पोजल टोलीलाई खबर गरिएको छ।   भोली उज्यालो भएपछि मात्र बमलाई निष्क्रिय बनाईने अवाले बताए। सो प्लास्टिक ग्रिनेड बम द्वन्द्व कालको समयमा लुकाएर राखिएको हुनसक्ने बताइएको छ ।  

  चितवन-   भरतपुर महानगरपालिका–१० हाकिमचोकमा बिहीवार दुई मोटरसाइकल आपसमा ठोक्किँदा दुई जना घाइते भएका छन् । क्यान्सर अस्पतालतर्फबाट आउदै गरेको ना ५९ प २५२२ नम्बरको मोटरसाइकल र चौबिसकोठिबाट हाकिमचोकतर्फ आउदै गरेको ना ५२ प ८७९३ नम्बरको मोटरसाइकल बिहीवार दिउँसो साढे ३ बजे आपसमा ठोक्किई दुर्घटना भएको हो ।   मोटरसाइकल आपसमा ठोक्किँदा दुवै सवारीका चालक मध्यम घाइते भएको जिल्ला प्रहरी कार्यालय चितवनले जानकारी दिएको छ । घाइते हुनेमा ना ५९ प २५२२ नम्बरको मोटरसाइकल चालक भरतपुर–७ बस्ने वर्ष ३८ को नेत्र ढुंगेल र ना ५२ प ८७९३ नम्बरको मोटरसाइकल चालक राप्ती नगरपालिका–२ बस्ने वर्ष १९ को प्रतिक बस्नेत रहेका…

काठमाडौं-  आइतबार हुने स्थानीय तह उपनिर्वाचनको मौन अवधि आजदेखि सुरु भएको छ। मतदान हुने दिनभन्दा ४८ घण्टा अघिदेखि मतगणना सम्पन्न नभएसम्मको समयलाई मौन अवधि मानिन्छ। निर्वाचनलाई स्वच्छ, स्वतन्त्र, निष्पक्ष, विश्वसनीय र भयरहित वातावरणमा सम्पन्न गर्ने उद्देश्यले निर्वाचन आयोगले मौन अवधि लागू गर्ने गर्छ। मौन अवधिमा उम्मेदवारको पक्ष वा विपक्षमा कुनै पनि प्रकारको प्रचारप्रसार गर्न पाइँदैन। साथै कुनै पनि प्रकारका छलफल, अन्तर्क्रिया, सभा, सम्मेलन, कार्यशाला, गोष्ठी आदि गर्न बर्जित छ। एसएमएस, फेसबुक, भाइबरजस्ता विद्युतीय माध्यम तथा सामाजिक सञ्जालबाट समेत मत माग्न निषेध गरिएको छ। सञ्चारमाध्यमबाट जित वा हारको पूर्वानुमानका सामग्री प्रसारजस्ता काम गर्न पनि नपाइने आयोगले जनाएको छ। निर्वाचन प्रचारप्रसार निषेध…