१ फागुन, रत्ननगर । गत मङ्सिर ५ गते बाट रत्ननगर–९ मा सुरुभएको करदाता भेटघाट तथा घरदैलो कार्यक्रम आज देखि पूर्ण भएको छ । वडा कार्यालयले वडा भित्र रहेका सम्पूर्ण व्यापारी तथा करदाताहरुलाई भेटघाट गरेको थियो ।
वडा विकासको महत्वपुर्ण कडी नै कर भएको भन्दै रत्ननगर–९ का वडाध्यक्ष अनन्त अधिकारीले करदाताहरुको व्यवसायिक स्थिति तथा कर सम्बन्धी विषयमा करदाताहरुको भावना बुझ्न आफुहरु घरदैलो सम्म नै पुगेको बताउनुभयो । भेटघाटको क्रममा व्यवसायीहरु उत्साहित समेत रहेको उँहाको भनाई छ ।
भेटघाट तथा घरदैलो सकिए संगै करदाताको लागी दोस्रो चरणमा वडा कार्यालयले करदाता शिक्षा कार्यक्रमको आयोजना गर्ने रत्ननगर नगरपालिका ९ नम्बर वडा कार्यालयको सचिव सुर्य प्रसाद ढुंगानाले जानकारी दिनुभएको छ । करदाताहरुको लागि वडा कार्यालयको सभाहलमा कार्यक्रम आयोजना गरिने समेत उंहाले बताउनुभयो ।
