६० औँ राष्ट्रिय बालदिवसमा ग्रीनल्याण्ड पब्लिक स्कुलले कालिका नगरपालिका १० मा रहेको सिद्धी चेपाङ्ग छात्रावासका रहेको ६५ जना बालबालिकालाई स्टेसनरी , हेल्थकिट र खाद्यन्न सामान प्रदान गरि सहयोग गरेको छ ।
ग्रीनल्याण्ड पब्लिक स्कुलका प्रधानाध्यापक इन्दिरा पन्त कार्कीको अध्यक्षतामा भएको कार्यक्रममा बिशिस्ट अतिथि ग्रीनल्याण्ड पब्लिक स्कुलका सह प्राचार्य उपेन्द्र आचार्य ,अतिथिमा सिद्धि चेपाङ छात्रावासका संचालक भरत चेपाङ्ग , सामाजिक अभियान्ता ज्ञानेन्द्र राज पाण्डे ,ग्रीनल्याण्ड इको क्लबका संयोजक मनोज खड्का,शिक्षक कृष्ण कार्की,तह प्रमुख सुनिता रेग्मी,शिक्षक दिलिप चालिसे सहित स्कुलका २५ जना बालबालिकाको सहभागिता रहेको थियो ।
उक्त कार्यक्रममा प्रधानाध्यापक इन्दिरा पन्त कार्कीले सिद्धी चेपाङ छात्राबासका संचालक भरत चेपाङ्गले पढ्न नपाएका चेपाङ्गका बालबालिकालाई अध्ययन गर्ने अवसर प्रदान गरेकोमा खुशी प्रकटको साथै ८१/८२ शैक्षिक वर्ष देखि छात्रावासबाट see पास हुने एक छात्र र एक छात्रालाई ग्रीनल्याण्ड पब्लिक स्कुलमा उच्च शिक्षाका (+२) लागि पुर्ण आवासिय छात्रवृत्ति प्रदान गर्ने बताउनु भएको छ ।
सामाग्री वितरण पश्चात परिचयात्मक कार्यक्रम र नाचगान पनि भएको थियो । यस अघि प्रधानाध्यापक इन्दिरा पन्त कार्कीले तीजको अवसरमा भाद्र १८ गते ग्रीनल्याण्ड ईको क्लब र कम्युनिटी क्लबका बालबालिकाले एक हप्ताको खाजा खर्च संचय गरेर झुवानीमा रहेका दृस्टी बिहिन बिद्यार्थीहरुलाई दर खुलाउनु भएको थियो ।
सिद्धी चेपाङ छात्राबासका संचालक भरत चेपाङ्गले यसरी साथ् र सहयोग गरेकोमा ग्रीनल्याण्ड पब्लिक स्कुल प्रति सदैब आभारी रहेको र सबैको तर्फबाट धन्यवाद ब्यक्त गरेका थिए।
