चितवन– साउन २८ गते सोमवार बिहान जल तथा मौसम विज्ञान विभाग, मौसम पूर्वानुमान महाशाखाले अद्यावधिक गरेको मौसम विश्लेषण अनुसार अहिले देशभर मनसुनी वायुको प्रभाव रहेको छ । मनसुनको न्यून चापीय रेखा सरदर स्थानको वरपर रहेको छ ।
अहिले सबै प्रदेशमा साधारणतया मौसम बदली रहेको छ । कोशी र बागमती प्रदेशका थोरै स्थानहरुमा तथा बाँकी प्रदेशका एक–दुई स्थानमा मध्यम वर्षा भइरहेको छ ।
आज दिउँसो देशभर साधारणतया मौसम बदली रहने छ । सबै प्रदेशका केही स्थानहरूमा मेघ गर्जन/चट्याङ्गसहित हल्कादेखि मध्यम वर्षाको सम्भावना रहेको छ । कोशी, बागमती, गण्डकी र लुम्बिनी प्रदेशका एक–दुई स्थानमा भिषण वर्षाको पनि सम्भावना रहेको छ ।
आज राति देशभर आंशिकदेखि मध्यम रुपमा मौसम बदली रहने छ । कोशी, बागमती, गण्डकी र लुम्बिनी प्रदेशका थोरै स्थानहरूमा तथा बाँकी प्रदेशका एक–दुई स्थानमा मेघ गर्जन/चट्याङ्गसहित हल्कादेखि मध्यम वर्षाको सम्भावना रहेको छ । कोशी, बागमती, गण्डकी प्रदेशका एक–दुई स्थानमा मेघ गर्जन सहित भिषण वर्षाको पनि सम्भावना रहेको छ ।
