समाचार

काठमाण्डौ - बिचौलिया दीपक भट्टसँग मिलेर नीतिगत अनियमिततामा जोडिँदै आएको शंकर ग्रुपमाथि सम्पत्ति शुद्धीकरण अनुसन्धान विभागले छानबिन थालेसँगै शंकर अग्रवाल पक्राउ परेका छन् ।   शंकर ग्रुपका संस्थापक तथा अध्यक्ष शंकरलाल अग्रवाललाई सम्पत्ति शुद्धीकरण अनुसन्धान विभागले नियन्त्रणमा लिएको हो ।     विभागले उनलाई शुक्रबार कार्यालयमै बोलाएर सोधपुछ गरेको थियो । बयान नसकिएका कारण उनलाई ललितपुर प्रहरी हिरासतमा पठाइएको छ । जिल्ला प्रहरी परिसर, ललितपुरका एसपी गौतम मिश्रले भने विस्तृत विवरण आइनसकेको बताए । ‘विभागले हामीलाई थुनामा राख्न पठाएको हो । अनुसन्धानको विषयमा विस्तृत जानकारी हामीसँग छैन,’ उनले भने ।   विभागले शंकर ग्रुपसँग निकट रहेका बिचौलिया दीपक भट्टलाई बिहीबार पक्राउ गरेको थियो । उनी विभिन्न कम्पनीका रकम…

काठमाडौं- नियमित गस्तीमा रहेको प्रहरी टोलीले देशका विभिन्न भागबाट १६ जनालाई लागुऔषधसहित पक्राउ गरेको छ। काठमाडौँ –२६ गोङ्गबु मित्रनगरबाट दुई जना, दाङको घोराही उपमहानगरपालिका–१३ राधाकृष्ण टोलबाट, एक लम्कीचुहा नगरपालिका–४ कौवापुरबाट एक, रुपन्देहीको रोहिणी–४ सेमरहबाट एक र सोही पालिकाको वडा नम्बर ६ छिपागणबाट एक जनालाई पक्राउ गरिएको हो। यसैगरी, बर्दियाको बढैयाताल गाउँपालिका–२ फुटाहबाट एक, झापाको गौरादह नगरपालिका–१ डिपुचोकबाट एक, भद्रपुर नगरपालिका–५ मेचीपुलबाट तीन, मोचीनगर नगरपालिका–६ काँकडभिट्टा बसपार्कबाट एक र मोरङको उर्लाबारी नगरपालिका–७ बाट एक जनालाई पक्राउ गरिएको छ। प्रहरीचौकी मूलघाटबाट परिचालन भएको प्रहरी टोलीले ४४ किलो गाँजासहित धनकुटाको सहिदभूमि गाउँपालिकाबाट तीन जनालाई पक्राउ गरेको जनाइएको छ।  

काठमाडौं- आजदेखि सञ्चालन हुने माध्यमिक शिक्षा परीक्षा एसइईमा यस वर्ष थप पारदर्शी र व्यवस्थित बनाइने भएको छ। परीक्षालाई व्यवस्थित र उत्तरपुस्तिका परीक्षणलाई छिटोछरितो बनाई शीघ्र नतिजा प्रकाशन गर्न नयाँ निर्देशिका जारी भएपछि परीक्षामा हुन सक्ने अनियमितता न्यून हुने अपेक्षा गरिएको छ।     राष्ट्रिय परीक्षा बोर्डअन्तर्गत परीक्षा नियन्त्रण कार्यालय ९कक्षा १०० ले विगतमा झैँ देशभर एकैपटक परीक्षा सञ्चालन गर्न लागेको हो। परीक्षा नियन्त्रक टुकराज अधिकारीका अनुसार देशभरका तोकिएका परीक्षा केन्द्रबाट बिहान ८स्०० बजेदेखि एकै समयमा एसइई परीक्षा सुरु हुनेछ।   यही चैत २९ गते सम्पन्न हुने एसइई परीक्षामा यस वर्ष पाँच लाख १२ हजार ४२१ जना विद्यार्थी सहभागी हुनेछन्। तीमध्ये…

काठमाण्डौ - सेवाग्राहीसँग २० हजार घुस लिँदालिँदै प्रहरी नायब निरीक्षक दिनेश राउत पक्राउ परेका छन्। उनी प्रहरी वृत्त मालीगाउँमा कार्यरत रहेका छन्।   बैंकिङ कसुरसम्बन्धी मुद्दामा जाहेरवालाको रकम फिर्ता दिलाइदिन सहजीकरण गरिदिए बापत र उक्त मुद्दा मिलापत्र गर्ने प्रयोजनका लागि सेवाग्राहीसँग घुस लिँदै गरेको अवस्थामा अख्तियार दुरुपयोग अनुसन्धान आयोगको टोलीले उनलाई पक्राउ गरेको हो।   घुसबापतको रकम र मोबाइल एक थानसहित उनलाई काठमाडौंको गहनापोखरीबाट नियन्त्रणमा लिइएको हो ।

काठमाडौं- हाल नेपालमा पश्चिमी वायुका साथै स्थानीय वायुको प्रभाव रहेको छ। यसको प्रभाव रहदा देशका पहाडी र हिमाली भू–भागमा साधारणतया बादल लागेको छ भने बाँकी भू–भागमा आंशिक बादल लागेको छ।     गण्डकी, कर्णाली र सुदूरपश्चिम प्रदेशका पहाडी र हिमाली भूभागका एकदुई स्थानमा मेघगर्जन र चट्याङसहित हल्का वर्षा भइरहेको जल तथा मौसम विभाग विज्ञान विभाग, मौसम पूर्वानुमान महाशाखाले जनाएको छ।   महाशाखाका अनुसार आज दिउँसो देशका पहाडी र हिमाली भूभागमा साधारणतया बादल लाग्नेछ भने तराई भूभागमा आंशिक बादल लाग्नेछ। कोशी, बागमती र गण्डकी प्रदेशका पहाडी र हिमाली भूभागका केही स्थान तथा मधेस प्रदेशसहित कोशी प्रदेशका तराई भूभाग, लुम्बिनी, कर्णाली र…

काठमाडौं- नेपाली कम्युनिष्ट पार्टीको संसदीय दलको बैठकले पूर्वप्रधानमन्त्री एवं नेकपा संयोजक पुष्पकमल दाहाल ‘प्रचण्ड’ लाई संसदीय दलको नेता चयन गरेको छ।     आइतबार पेरिसडाँडामा बसेको बैठकलाई उनलाई सर्वसम्मत दलको नेता चयन गरेको नेपाल कम्युनिष्ट पार्टी माओवादी केन्द्र नेता रमेश मल्लले बताए।   उनले भने, ‘पार्टीको आज संसदीय दलको पहिलो बैठक बसेको हो। पार्टी पहिलो बैठकले पार्टी संयोजक पुष्पकमल दाहाल ‘प्रचण्ड’ लाई संसदीय दलको नेता चयन गरेको छ सर्वसम्मत रुपमा। बैठकले दल नेतालाई बधाई प्रस्ताव पेस गरेको थियो त्यसलाई सर्वसम्मत रुपमा पास गर्यौं।’   हालै सम्पन्न प्रतिनिधिसभा निर्वाचनबाट नेकपाको प्रत्यक्षतर्फ ८ र समानुपातिकतर्फ ९ गरी १७ सीट रहेको छ।

चितवन- जिल्ला प्रहरी कार्यालय चितवनले अवैध क्रिप्टो करेन्सीको कारोबारमा संलग्न दुई जनालाई पक्राउ गरेको छ।   भरतपुर महानगरपालिका–२ मेलमिलाप टोलमा अवैध मुद्रा कारोबार भइरहेको भन्ने सूचनाका आधारमा खटिएको टोलीले उनीहरूलाई नियन्त्रणमा लिएको हो।   पक्राउ पर्नेमा सर्लाही राजबिराज नगरपालिका–१२ का २५ वर्षीय आशिष कुमार दास र भरतपुर २६ बस्ने २२ वर्षीया विनिता परियार रहेका छन्।   उनीहरूको साथबाट रु। १ लाख ९ हजार ९ सय ९५ नगदसहित विभिन्न बैंकका ३ थान चेकबुक, ४ थान एटीएम कार्ड, ५ थान मोबाइल, १ सेट कम्प्युटर, १ थान ल्यापटप, २ थान ट्याब, २ थान वाइफाइ राउटर, ६ थान नेपाली र २ थान भारतीय सिमकार्ड,…

काठमाडौं- राष्ट्रपति रामचन्द्र पौडेलले आज प्रतिनिधिसभा सदस्य निर्वाचनबाट निर्वाचित ज्येष्ठ सदस्य अर्जुननरसिंह केसीलाई पद तथा गोपनीयताको शपथ गराउने कार्यक्रम तय भएको छ।     राष्ट्रपति कार्यालय शीतल निवासमा आज बिहान ११स्१५ बजे शपथ ग्रहणको कार्यक्रम तय भएको छ। गत फागुन २१ गते सम्पन्न प्रतिनिधिसभा सदस्य निर्वाचनमा निर्वाचित सदस्यमध्ये केसी ज्येष्ठ सदस्य हुन्।   प्रतिनिधिसभा निर्वाचनमा प्रत्यक्ष निर्वाचन प्रणालीबाट एक सय ६५ र समानुपातिक निर्वाचन प्रणालीबाट एक सय १० जना निर्वाचित भएका छन्। नेपाली काँग्रेसका सांसद केसी समानुपातिक निर्वाचन प्रणालीका माध्यमबाट निर्वाचित भएका थिए।   ज्येष्ठ सदस्य केसीले प्रतिनिधिसभामा निर्वाचित सांसदलाई यही चैत १२ गते बिहीबार पद तथा गोपनीयताको शपथ खुवाउने…

काठमाण्डौ-   नगरपालिकामा बाख्रा तथा च्यापकटर मेसिन वितरणका नाममा भ्रष्टाचार गरेको ठहर गर्दै तत्कालीन वडाध्यक्ष र इन्जिनियरसहित तीन जनालाई कैद र जरिवानाको फैसला सुनाएको छ।     मंगलबार विशेष अदालतका अध्यक्ष सुदर्शनदेव भट्टराई तथा सदस्यहरू हेमन्त रावल र उमेश कोइरालाको इजलासले उक्त फैसला गरेको हो ।   अदालतले तत्कालीन वडाध्यक्ष दुर्गाप्रसाद राय, इन्जिनियर रन्जित कुमार यादव र सहकारी अध्यक्ष संजु कुमारी यादवलाई जनही १ वर्ष कैद र ४ लाख ९२ हजार ५ सय रुपैयाँ जरिवाना हुने फैसला सुनाएको हो । उनीहरूबाट जनही १९ हजार ७ सय रुपैयाँका दरले क्षतिपूर्ति शुल्क असुल गरी पीडित राहत कोषमा जम्मा गर्नुपर्ने फैसला सुनाएको छ…