मुख्य समाचार

चितवन : नेपाल चिकित्सक संघ (एनएमए) केन्द्रीय समितिको आयोजनामा चितवनमा भोलिदेखि प्रथम एनएमए स्पोर्टस फेस्ट हुने भएको छ । दुई दिनसम्म हुने प्रतियोगिताको भरतपुर महानगरपालिकाका प्रमुख रेनु दाहालले उद्घाटन गर्ने कार्यक्रम रहेको छ । संघका महासचिव डा. सन्जिव तिवारीले प्रतियोगितामा क्रिक्सल, फुटसल, भलिबल, बास्केटबल, टेबुलटेनिस, ब्याडमिन्टन, चेस र पौडी प्रतियोगिता हुने जानकारी दिनुभयो । प्रतियोगिताको आयोजना गरेर देशभरका युवा चिकित्सक तथा स्वास्थ्यकर्मीहरुलाई व्यस्त दिनचर्याबाट केही राहत महसुस गराउन र मनोरञ्जनका लागि प्रोत्साहित गर्न सकिएको भन्दै उहाँले नेपालको चिकित्सा शिक्षा र स्वास्थ्य सेवामा खटिएका चिकित्सक तथा स्वास्थ्यकर्मीहरुको कार्यकौशलतामा सकारात्मक प्रभाव पर्ने संघको ठहर रहेको बताउनुभयो । संघका अध्यक्ष डा. अनिलबिक्रम कार्कीले…

चितवन : चितवनमा मोटरसाइकल दुर्घटना हुँदा एक जना घाइते भएका छन्।मंगलबार राति ९:३० बजेको समयमा राप्ती न.पा.९ ब्रह्मनगर स्थित सडक खण्डमा अमृतपानीबाट खुरखुरे तर्फ जाँदै गरेको बागमती प्रदेश ०२-०२५ प ९८९७ नं.को मोटरसाइकल आफै अनियन्त्रीत भइ पल्टिएको प्रहरीले जनाएको छ । घाइते हुनेमा मोटरसाइकल चालक राप्ती न.पा.९ अमृतपानी बस्ने वर्ष २१ को अविक पुन रहेका छन् । उनको मुख, टाउकोमा चोट लागेको र अवस्था गम्भीर रहेको छ । उनको नयाँ मेडीकल कलेज भरतपुरमा उपचार भइरहेको छ ।मोटरसाइकल प्रहरीले नियन्त्रणमा रहेको प्रहरीले जानकारी दिएको छ।

नवलपरासी : नारायणगढ–बुटवल सडकखण्डको विस्तारमा ढिलाइ भएपछि सडक क्षेत्रमा पर्ने पूर्वी नवलपरासी, पश्चिम नवलपरासी र रुपन्देही गरी ३ वटा जिल्लाका स्थानीय तहले प्रधानमन्त्रीको ध्यानाकर्षण गराउने भएका छन् । जिल्ला समन्वय समिति नवलपरासीको संयोजनमा मंगलबार पश्चिम नवलपरासीको बर्दघाट नगरपालिकामा भएको छलफलमा ठेकेदारले काम सुरू नगरेकाले प्रधानमन्त्रीसहित संघीय सरकारका निकायको ध्यानाकर्षण गराउँदै समयमै काम सक्ने वातावरण निर्माण गर्न दबाब दिने निर्णय गरेका छन् । जिसस नवलपरासीका प्रमुख भगौती यादवको अध्यक्षतामा भएको छलफलमा सडक आयोजनाको पश्चिम खण्डका आयोजना प्रमुख शशांक मिश्रले ठेकेदारले आर्थिक अभावका कारण काम गर्न ढिलाइ गरेको जानकारी गराएका थिए ।काममा ढिलाइ गरेको भन्दै नोटिस टु करेक्ट पठाएर परामर्शदाता कम्पनीले ठेकेदार…

२७ कार्तिक, रत्ननगर । रत्ननगर नगरपालिका ९ नम्बर वडा कार्यालयले आफ्नो वडामा भएका कुकुर तथा बिरालोलाई रेविज विरुद्धको भ्याक्सिन लगाउने कार्यक्रम सञ्चालन गर्ने भएको छ । कुकुर तथा बिरालोको टोकाईका कारण वडाबासीहरुलाई रेबिज लगायत संक्रामक रोगहरु नलागोस भन्ने उद्धेश्यले भ्याक्सिन लगाउने कार्यक्रम सञ्चालन गर्न लागिएको वडाध्यक्ष अनन्त अधिकारीले जानकारी दिए । भोलि अर्थात कार्तिक २८ गते बुधबार देखी कुकुर तथा बिरालोलाई रेविज विरुद्धको भ्याक्सिन लगाईने वडा सचिव सुर्यप्रसाद ढुंगानाले जानकारी दिएका छन् । वडामा रहेका हरेक टोल विकास संस्थाका पदाधिकारी तथा स्थानियहरुले उक्त कार्यक्रममा समन्वय गरिदिन समेत सचिव ढुंगानाले आग्रह गरेका छन् ।

२७ कार्तिक, भरतपुर । उद्योग वाणिज्य संघ–चितवनले गोरखा उद्योग वाणिज्य संघको अध्ययन अवलोकन भ्रमण टोलीलाई सोमबार एक कार्यक्रमको आयोजना गरी स्वागत गरेको छ । गोरखा उद्योग वाणिज्य संघका अध्यक्ष कृष्णकुमार श्रेष्ठको नेतृत्वमा आएको भम्रण टोलीलाई संघले स्वागत गरेको हो । नेपालको विभिन्न सफल उद्योग वाणिज्य संघहरूको अध्ययन अवलोकन गर्ने सन्दर्भमा उक्त संघ उद्योग वाणिज्य संघ–चितवनमा आएको हो । स्वागत एवम् छलफल कार्यक्रमा उद्योग वाणिज्य संघ–चितवनका अध्यक्ष सुमनकुमार श्रेष्ठले यस किसिमको कार्यक्रमले व्यवसायिक साथसाथै संस्थागत एकता सुदृढ गर्नमा समेत सहयोग पु¥याउने बताउनुभयो । उद्योग वाणिज्य संघ–चितवनको संक्षिप्त जानकारी दिंदै अध्यक्ष श्रेष्ठले यस्ता किसिमका भेटघाटले दुवै क्षेत्रका उद्योगी व्यवसायीको समस्या पहिचान गरी…

चितवन : चितवनको भरतपुर २४ स्थित लक्ष्मण चोकमा बोलेरो गाडीले स्कुटर र मोटर साइकल ठक्कर दिदा इच्छाकामना ५ मुग्लिनकी ३७ वर्षीया रामकुमारी गुरुङ `विन्दु´को ज्यान गएको छ । सोही दुर्घटनामा परि मुग्लिनकै यो ३१ वर्षिय सोजन शेरचन गम्भीर घाइते भएका छन् । आज बिहान पौने ११ बजे भरतपुर महनगरपालिका २४ लक्ष्मणचोक मा प्र ३-०१-०२४च ४९९३ नं. को बोलेरोले बा.प्र.०३-००१ प ३६५६ नं.को मोटरसाइकल र प्रदेश ३-०३-००१प ८८८२ नं. को स्कुटरलाई ठक्कर दिदा ३ जना घाईते एका थिए । घाइते भएका उनिहरुलाई उपचारको लागी पुरानो मेडिकल कलेज भरतपुर तर्फ पठाईएकोमा स्कुटरमा सवार महिला `विन्दु´को ज्यान गएको जिल्ला प्रहरी कार्यालय चितवनले जानकारी…

चितवन : वर्षातको समयमा आएको बाढीले खण्डहर बनाएको नारायणी नदी किनारलाई यतिबेला सजाइएको छ । तराई सामुदायिक सेवा समितिले नारायणी नदी किनारमा बाढीले बनाएको खण्डहरलाई व्यवस्थापन गर्दै सिगारको काम गरेको हो । तराई समुदायले मनाउने छठ पूजाका लागि नारायणी नदी किनारलाई सिङ्गारिएको हो । अहिले त्यहाँ समितिका पदाधिकारी तथा सदस्यहरु नदी किनारलाई व्यवस्थित बनाएर पूजाका लागि तयारी गरिरहेका छन् । समितिका सल्लाहाकार राजकुमार साहले अहिले तयारीस्वरुप पूजास्थल सम्याउने, टेण्ट निर्माण, धजापतका टाँस्ने लगायतका काम गरिएको बताउनुभयो । पूजाको तयारी पूरा भएको छ । श्रद्धा र निष्ठापूर्वक मनाइने छठ पर्वका लागि नारायणी नदी किनारलाई आकर्षक बनाइएको हो । समितिका पूर्व अध्यक्ष…