गजल

गजल –

स्वदेशमा पाईन्न  रोजगार ,बिदेश तिर जाऊँला आमा
जति छन साहुका ऋण,सबै मैले कमाएर तिरौँला आमा ।।

बाबाले हामीलाई सा_सानै  छोडेर  स्वर्गीय भए पनि
नगर चिन्ता घर ब्यवहार  रित पुर्याएर  धानौंला आमा ।।

भाई बैनीलाई पढाएँ भने  बन्लान डक्टर ईन्जिनिएर
दु:खकष्ट बिर्साएर तीमीलाई सुखले पालौँला आमा ।।

चुहिने भाछ घरको छानो  नछाई भाछैन जस्ता किनेर
तिम्रो आङ्गमा फाटेको चोली पनि नयाँ फेरौँला आमा ।।

छिमेकी शहर पसेँ गाउँ त्यागी , धुलो र धुँवा खानलाई
हामी आफ्नै गाउँँपुर्ख्यौलीमा बसि प्रगती गरौंला आमा  ।।

– सुचिता काफ्ले

काठमाडौं