काठमाडौँ –
काठमाडौँको जडीबुटी स्थित एक फर्निचरमा आगलागीहुदाँ करिब १० लाख रुपैयाँ बराबरको क्षति भएको छ । शुक्रवार साँझ अमृत शाहीको स्टोरमा आगलागी भएको हो ।
चार वटा दमकल प्रयोग गरेर सुरक्षाकर्मीले आगो निभाएका छन् । फर्निचर गोदाममा पहिला रेस्टुरेन्ट सञ्चालनमा थियो । यसअघि त्यहाँ सञ्चालित ‘स्वागतम खाजा घर एण्ड रेस्टुरेन्ट’ बन्द गरेर शाहीले फर्निचर स्टोर राखेको प्रहरी वृत्त नयाँ बानेश्वरका एजकना अधिकृतले बताए । प्रहरीका अनुसार आगलागीको कारण खुलेको छैन ।
