काठमाण्डौं-
नेपाली राष्ट्रिय क्रिकेट टोलीले दोस्रो एकदिवसीय अभ्यास खेलमा पनि कर्नाटकलाई हराएको छ ।
हिजो नेपालले कर्नाटकलाई ५ विकेटले हरायो । कर्नाटकले दिएको २४३ रनको लक्ष्य नेपालले ४४ ओभर ३ बलमा ५ विकेट गुमाएर भेट्टायो ।
नेपालको जितमा देव खनालले ११३ बलमा अविजित एक सय रन बनाए । त्यसअघि पहिला ब्याटिङ गरेको कर्नाटकले निर्धारित ५० ओभरमा ८ विकेट गुमाएर २४२ रन बनाएको थियो । नेपालका लागि बलिङतर्फ करण केसी र सन्दीप लामिछानेले समान तीनरतीन तथा हेमन्त धामीले दुई विकेट लिए ।
कर्नाटकलाई पहिलो अभ्यास खेलमा नेपालले ११६ रनले पराजित गरेको थियो । नेपाली टोली भारतमा थप अभ्यास खेलेपछि एसीसी प्रिमियर कप खेल्न मलेसिया जानेछ ।
