चितवन । बिद्यालय स्तरीय फुटबल ‘‘दोश्रो हनामी ईन्टर स्कुल फुटबल प्रतियोगिता २०८१’’ मंगसिर १७ गते देखि भरतपुरमा हुने भएको छ ।
भरतपुर फुटबल क्लबको आयोजनामा हुने उक्त प्रतियोगितामा मा २० संस्थागत बिद्यालयका कक्षा १० सम्मको ९/९ खेलाडी छात्र बीच खेलाईनेछ ।
प्रथम हुनेले नगद २५,००० सिल्ड , मेडल , प्रमाणपत्र पाउनेछ भने द्वितीय हुनेले नगद १५००० सिल्ड , मेडल र प्रमाणपत्र प्राप्त गर्नेछन।
प्रतियोगिताको तयारी अन्तिम चरणमा रहेको र फुटबल खेल विकासको निमित्त ग्रास रुट देखिनै समय र लगानी लगाउन पर्ने खेल संयोजक ध्रुव भुषालले बताए ।
पहिलो संस्करणको उपाधि वाल्मिकी स्कुलले जितेको थियो भने प्रतियोगिताको मुख्य प्रयोजन हनामी ले गर्दै आईरहेको छ ।
