चितवन
रत्ननगर बकुलहर अस्पताल टाडीमा भर्ना भई बसेका शारीरिक पक्षघात विरामी रिता कुमाललाई फागुन १३ गते मंगलबार चितवन सेवा समाज नेपालले चितवन सेवा समाज बहराइनको पहलमा आर्थिक सहयोग हस्तान्तरण गरेको छ ।
विगत १ महिना देखि मस्तिष्क घातको कारण विरामी परेका राप्ती नगरपालिका वडा नं. २ गड्यौली चितवन बस्ने रिता कुमालको आर्थिक अवश्था नाजुक रहेको र घरका परिवारको आम्दानीको स्रोत नभएको कारण उपचार गराउन गार्हो भयो भनि चितवन सेवा समाज बहराईनसँग सहयोगको लागी अनुरोध गरीएको थियो । सोही अनुरुप बहराइनमा रहनु भएको चितवन सेवा समाज बहराइनका आजिवन सदस्यहरुद्धारा नगद रु २५०००/- संकलित भएको संस्थाका अध्यक्ष प्रकास लामिछानेले जानकारी गराउनु भयो ।
विरामीको शिघ्र लाभको कामना गर्दे चितवन सेवा समाज बहराइनका निवर्तमान अध्यक्ष एवं मानार्थ सुधिर श्रेष्ठ, बचतकोष संयोजक तथा सल्लाहकार दुर्गा लाल श्रेष्ठ ,कार्यलय सचिव निरु अधिकारी, स्थानीय जनप्रतिनिधि कमल रुवालि , स्थानिय समाजसेवीहरु प्रमोद ढुंगाना, अनु श्रेष्ठ, राज उप्रेतिको रोहवरमा पिडित पक्षलाई रत्ननगर बकुलहर अस्पताल टाडीमा पुगी उपचार कक्ष मै नगद सहयोग हस्तांतरण गरिएको छ ।
